Battle Mage Soft Mist vs Qi Master Heavenly Rage. Ang unang yugto ng labanan sa Group Arena ay nagsimula na rin sa wakas.
Bilang ang pinakasikat na manlalaro ng Team Happy ay papaanong hindi mag-iingat ang Qi Master ng Team Everlasting na si Heavenly Rage sa kaniya? Lalong-lalo na noong nakita niya ang mga bagong kagamitang suot ni Soft Mist.
Gayunpaman ay naging desidido rin si Heavenly Rage sa kaniyang mga atake. Kahit na ang Qi Master na class ay hindi naman talaga isang class para sa mga pangmalapitang labanan.
Pero dahil mas mataas ang Attack Range nila kaysa sa mga Battle Mage ay siguradong mauunang dumating ang kanilang mga atake kaysa kay Soft Mist.
Karamihan sa mga atake ng isang Qi Master ay mga AoE na skills. Dahil ang mga atake ng class na ito ay mga atakeng nagagawang sumakop ng isang malaking lugar ay masyadong mahirap itong ilagan sa masikip na Riverside Veranda na mayroong tubig at lupa.
