Syempre, hindi naman sa kaagad na mamamatay si Shoot Here dahil lamang sa isang atake. Pero sa pamamagitan ng atakeng ito ay kaagad na nakuha ni Qiao Yifan ang kalamangan sa pagitan nilang dalawa.
Kaharap ang isang Ghostblade ay kahit na sino naman sigurong propesyonal na manlalaro ay hindi magtatagal kapag nalapatan sila ng ganito karaming Ghost Souls sa kanilang katawan. Naging maganda ang pagsamantala ni Qiao Yifan sa mapang ito para matalo ang kaniyang kalaban.
Ginawa naman ni Shoot Here ang lahat niyang makakaya, pero sa ikalawang yugto ng Individual Competition ay nanalo pa rin si Qiao Yifan.
Sobrang bilis naman ng pagbaliktad sa sitwasyon...
Kasalukuyang nilulubos pa ng mga taong gustong makita ang pagbagsak ng Team Happy ang nangyaring pagkapanalo ng Team Everlasting sa nakaraang yugto ng labanan, at kasalukuyang hinahamak pa rin nilang lahat ang Team Happy.
