Naguluhan ang lahat ng mga kasamahan ni Qiu Fei dahil sa biglaan niyang pag-alis. Sinulyapan nila ang isa't-isa, pero wala naman talaga silang naging pakialam sa biglaang pag-alis ni Qiu Fei.
Lahat naman kasi ng mga nandito sa Training Camp ay magkakalaban lang rin, at dahil diyan ay mas mabuti pa nga sa kanilang lahat na umalis si Qiu Fei.
Sa kabilang dulo naman ay nag-aalala si Chen Yehui. Malinaw naman kasi na mas magaling si Qiu Fei kaysa sa ibang miyembro ng mga manlalarong mula sa Training Camp ng Excellent Era.
Namalayan ni Chen Yehui ang ilang mga sandali na kung saan hindi sinasadyang mailabas ni Qiu Fei ang kaniyang damdamin sa kasagsagan ng labanang naganap kanina. Dahil dito ay siguradong-sigurado si Chen Yehui na si Ye Qiu ang nakalaban ni Qiu Fei kanina.
