"Ikaw ba 'yan, Kuya?" Sa tono ng pananalita pa lamang ni Qiu Fei ay malalaman na ng kahit na sino kung ano ang nararamdaman niya sa mga sandaling ito.
Naging marami ang mga haka-haka tungkol sa biglaang pagretiro ni Ye Qiu sa Excellent Era. Pero isa sa mga kilalang haka-haka na kumalat ay ang haka-hakang taimtim na pinaniwalaan ng lahat ng mga manlalaro ng Excellent Era.
Sa haka-hakang 'yun ay sinasabi na hindi na nakayanan ni Ye Qiu ang patuloy na pagbagsak ng Excellent Era mula sa kanilang kaharian, kaya napasiyahan niyang gumawa na lamang ng sarili niyang Team para makamit ang kadakilaang nakamit niya noon kasama ang Excellent Era.
Pero kahit na malinaw na pinapaboran ng haka-hakang ito ang Club Excellent Era, at malinaw na sinisiraan nito ang imahe ni Ye Qiu ay ito naman ang pinakamalinaw na paliwanag sa kung bakit nga ba nagretiro ng maaga, at biglaan si Ye Qiu.
