Matapos malaman ng lahat ang nangyaring tahimik na paglipat ng karakter na isinagawa ng dalawang Team sa isa't-isa ay kaagad itong naging laman ng usap-usapan sa bawat website o forums na nakatutok sa Glory o eSports. Syempre, ang kanilang paksa ay ang Dazzling Hundred Blossoms.
Sa mga panahong naglaho na ang kaguluhang naganap dahil sa biglaang pagsabog ng balitang ito ay nakabalik na sa sarili nilang katinuan ang lahat. Isa-isang naglipana ang mga haka-haka't tsismis tungkol sa kung ano ang dahilan kung bakit binili ng Team Tyranny ang Dazzling Hundred Blossoms.
Talaga bang ang plano ni Zhang Jiale ay bumalik sa Alliance sa pamamagitan ng pagsali sa Team Tyranny? Noong una ay walang naging usapan tungkol sa tanong na ito, pero ngayong binili ng Team Tyranny ang Dazzling Hundred Blossoms ay kaagad na kumalat ang haka-hakang ito sa lahat.
