Hindi naging matunog ang balita sa pagsali ni Lin Jingyan sa Team Tyranny kaysa sa nangyaring ugong matapos malaman ng lahat na sumali si Xiao Shiqin sa Team Excellent Era. Pero kahit na hindi ito naging matunog ay napansin pa rin ito ng lahat.
Ito'y dahil sa bilang isang All-Star Player, kahit na parang hindi na maganda ang mga ipinapamalas niya sa paglalaro nitong nakaraan ay malalaman pa rin ng lahat ang balita sa kaniyang pag-alis.
At saka, hindi naman talaga maituturing na tuluyang paglisan sa Pro-Scene ang ginawang pag-alis ni Lin Jingyan. Idagdag pa na matapos marinig ng lahat ang mga katagang binitawan ni Han Wenqing sa naganap na pagpupulong kasama ang midya ay natuon ang pansin ng lahat sa balitang ito.
Matapos marinig ng lahat ang balita sa paglipat ni Lin Jingyan ay hindi naman talaga lubusang naniwala ang lahat na isang matalinong sagot sa kanilang problema ang ginawang aksyon ng Team Tyranny.
