Pu! Pu!!!
Sabay-sabay na umalingawngaw ang dalawang putok ng baril na ito. Hindi na kinailangan pang tumalikod ni Xu Jingxi para malaman niya ang kung ano nga ba ang nangyari. Dahil sa sunod-sunod na pagtama ng mga bala sa iisang lugar lamang ay nakapaglapat ito ng Penetrate.
Tumagos ang bala mula sa noo ni Soul Speaker na dumeretso naman sa noo ni Swoksaar. Pero dahil isang laro lang naman ito ay talagang hindi sila namatay. Kasi naman, kung nangyari ito sa totoong buhay papaanong mabubuhay pa ang kahit na sinong tao kapag nataman ng ganiyan kalakas na tama?
Malamang ay sa lakas ng Thunder Snipe, hindi lang siguro isang butas ang malilikha sa ulo ng isang tao kundi deretsahang sasabog ang ulo na 'yun na para bang isang pakwan...
Papaanong nangyari ang lahat ng ito?!
