"Loulan Slash? Iyong mayaman na bumuo sa Team Heavenly Swords, at naghahanda nang pumasok sa Professional Alliance sa susunod na season?" Taimtim na sinusundan ni Wei Chen ang kahit na anong balita tungkol sa Professional Alliance kaya kilala niya ang sikat na si Loulan Slash.
Nitong kamakailan lang ay nagawang manalo ng Guild Heavenly Justice kaharap ang ilang mga malalaking guild sa isang labanan ng mga salita doon sa forums. Nagawa nilang kunin ang suporta ng karamihan sa mga manlalaro noon kaya sila nanalo.
At saka, iyon ay isang insidente na kung saan labis na nainggit si Wei Chen sa Guild Heavenly Justice.
"Tama, siya nga ang pinakamainam na taong dapat nating pagbentahan sa patnubay." Naisip ni Wei Chen kung gaano nga ba kayaman si Loulan Slash kaya kaagad rin naman niyang namalayan na maganda nga ang panukalang ibinigay ni Ye Xiu sa kanila.
May ilang mga bagay sa mundo ng Glory na hindi maaring maresolba dahil lamang sa tulong ng pera.
