Ang sunod-sunod na mensaheng natanggap ni Ye Xiu kina Wei Chen at Steamed Bun Invasion, kasama na ang katotohanan na ngayon ang unang araw ng Abril ang naging dahilan kung bakit hindi makapaniwala si Ye Xiu na totoo ang sinasabi nilang dalawa.
Pero dahil hiningi ni Wei Chen mismo ang address nila ay para makapunta siya rito, ay parang hindi naman yata ito isang biro sa April Fools. Pero baka naman siguro ay nagkukunwari lang siyang pumunta rito para kung baka sakaling may isasagawang selebrasyon sina Ye Xiu dahil sa pagdating niya'y magiging isang malaking katatawanan ang lahat kapag hindi siya sumipot?
Pero kahit na walang-hiya talaga si Wei Chen ay hindi naman siya isang hangal.
Ang problema nga lang ay hindi makapaniwala si Ye Xiu kung pupunta nga ba rito si Steamed Bun Invasion. Ito'y dahil sa agad-agad na bumili kasi ng ticket ang taong 'yun papunta rito, tapos biglang sasabihin niya na sumakay pala siya ng tren sa araw na ito para mapuntahan silang lahat.
