Hindi naman sa walang dahilan ang ginawang panghahamon ni Wolf Head kay Unrivaled Super Hottie, at ang dahilan na iyon ay masyadong malinaw para kay Happy Sheep.
Kung titingnan mo ang character profile ni Wolf Head ay makikita na mo na masyadong mataas ang winning rate ni Wolf Head sa loob ng halos 50,000 na labanang isinagawa niya sa Arena.
Sapat na ang mga numero na ito na ipakita sa lahat na talagang hayok na hayok si Wolf Head sa mga harap-harapang labanan! At hindi lang iyan, maituturing na ring pambihira ang winning rate na halos 75%.
Walang kahit na sino sa mga manlalaro ni Happy Sheep ang nakakapantay sa record ni Wolf Head.
Dahil hindi maaring maitago ng isang manlalaro ang mga tagumpay na nakamit nila sa Arena, kahit na sino ay maaring makita ang mga tagumpay na nakamit nila doon. Sa isang pindot lang ng kanilang mouse ay nakita ni Happy Sheep na nagpadala ng hamon si Wolf Head kay Unrivaled Super Hottie.
