Natahimik na naman ang diskusyon ng lahat na mga nandirito. Talagang hinihintay na lamang nila ang pinal at detalyadong ulat mula sa kanilang mga kasamahan. Sinabay na rin nila sa kanilang paghihintay ang pagpapadala ng ilang mga manlalaro para bantayan ang mga galaw ni Lord Grim.
Walang naging problema sa kanilang pagmamanman. Hindi nagtagal ay naging maganda ang pakiramdam ng bawat Guild Leader na nasa Group Chat. Sa kanilang pagmumukha ay para bang nasa loob ng kanilang inaasahan ang lahat.
"Parang alam niyo na yatang lahat, ah?" Si Plantago Seed ang nanguna sa pagsasalita.
"Almarshan." Sabi ni Cold Night.
"Tama, ang Setting Sun Hunter ang pinupuntirya niya talaga." Sabi ni Lonely Drink.
"Mukhang mabibigyan natin siya ng isang magandang sorpresa." Ngumiti si Plantago Seed.
"Dapat ay sipain natin siya pababa mula sa trono niya sa itaas."
