Ang espasyo sa pagitan ng mga pader ay parang naging impyerno na. Hindi naging madali para sa Warlock ni Wei Chen ang tumakas mula doon. Pero sa totoo lang ay hindi pa naman talaga siya nakakatakas, siya ay kasalukuyang nakayuko't dahan-dahang gumagapang na para bang isang pusa.
Hindi naging maganda ang pakiramdam ni Wei Chen matapos makita na naubos ang mga kasamahan niya sa kasagsagan ng mahigpit na labanan. Sa isang iglap lamang ay halos tatlong-kapat ng mga kasamahan niya ang namatay.
Sa natitirang anim ay dalawa sa kanila ang nasa bingit na ng kamatayan, habang ang natitirang apat na man ay bahagyang nasugatan lamang. Dahil walang nalalaman si Wei Chen tungkol sa mga nangyayari ay deretsahan niyang tinanong ang apat!
Nung magtatanong na sana si Wei Chen ay namalayan niya na ang dalawa ay kasalukuyang nasa likuran ng isang malaking pader, sila rin ay yumuko't parang mga pusang gumagapang sa lupa!
