"Anong nangyari?" Ang manlalarong sumagot kay Backlight Bomb ay ang pangunahing Guild Leader ng Blossom Valley na si Blooming Blossom. Sa dami ng mga Guild Leader na nasa Group Chat ay hindi maaring ipakita niya sa kanilang lahat na siya ay nagagalit. Kaya kalmado siyang sumagot.
"Ang grupo na naman ni Lord Grim! Hindi sila umalis sa Thousand Waves Lake, at nung nakita nila ang grupo natin ay lumapit sila't pinatay nila ang mga kasamahan natin!" Sabi ni Backlight Bomb.
"Ano?!"
Matapos marinig ang balitang ito ay hindi pa nga nakakapagsalita si Blooming Blossom nang biglang sumigaw si Jiang You.
"Isang malaking problema na naman 'to!" Sabi ni Arisaema.
Papaanong hindi naiintindihan ng iba ang ibig ipahiwatig ni Arisaema? Dahil dito ay kaagad silang nangamba.
Sa Thousand Waves Lake. Matapos durugin ang grupo ng Blossom Valley, si Ye Xiu at ang kaniyang mga kasamahan ay lumutang mula sa tubig.
