Karamihan sa mga manlalarong nasa Group Chat ay nalalaman na kung ano ang sasabihin ni Blue River. Halos lahat ng mga pinuno ng mga malalaking guild ay natahimik. Pero ang Lider ng Samsara na si Lonely Drink, matapos nakitang walang nagsasalita ay pagalit na nagsabi.
"Ano ba talaga ang sagot? Gusto kong malaman kung ano ang nakakatakot diyan!"
"Ang Guild Leader ng Happy na si Lord Grim ay si Ye Qiu." Deretsahang sumagot si Blue River, walang labis at wala ring kulang.
Ang mga manlalarong alam na ang katotohanang ito ay natahimik, pero si Lonely Drink ay napatayo't dali-daling sinabi: "Ye Qiu? Sinong Ye Qiu?"
"Sinong Ye Qiu ba ang nasa isip mo?"
"T*ngina, niloloko niyo ba ako?!" Mahirap sabihin kung ano ba talaga ang naging hulma ng mukha ni Lonely Drink sa mga sandaling ito.
Matapos ang ilang sandali ng malamig na katahimikan ay nagsalita na naman si Lonely Drink.
