Sa ika-sampung server, ang pinakamataas na level na maaring maabot ng mga manlalaro ay ang Level 42. At syempre, may mga kaibahan pa rin sa Experience ang mga manlalarong ito, pero hindi naman masyadong malaki ang agwat.
Ang pangunahing dahilan kung bakit naging ganito kataas ang kanilang level ay dahil sa alyansang naganap sa Christmas Event.
Sina Ye Xiu, Su Mucheng at Tang Rou ay matatawag na isa sa mga pangunahing manlalaro sa ika-sampung server.
Pero dahil hindi maaring makapagpatuloy sila sa paglalaro ng buong araw kagaya ng mga karakter na hawak ng mga malalaking guild ay nalamangan sila't kasalukuyang nasa hulihan sila ng lahat kung level ang pag-uusapan.
Kasama na ang Guild Leader account ni Blue River sa mga manlalarong iyon.
Lubhang mataas ang level ng account na iyon. Pero dahil napabayaan rin ito ng ilang mga araw ay nalamangan ang level ng account na iyon ng iba pang mga manlalaro.
