Qi Blade!
Nagpadala ng isa na namang atake si Fang Rui, ginawa niyang pangharang sa kaniyang katawan ang NPC na nasa kaniyang harapan. Sa simula ng ginawa niyang pag-atake ay hindi nakikita ni Zhou Zekai ang ganiyang mga galawan.
Parang nakikipagtulungan pa ang NPC na iyon kay Fang Rui, dahil sa mga sandaling lumipad na ang Qi Blade ay humakbang sa isang tabi ang NPC.
Lumitaw na naman sa mga mata ni Cloud Piercer si Fang Rui. Nakatuon ang bunganga ng dalawa niyang baril kay Boundless Sea. Sa likuran naman ni Boundless Sea ay tatlong nakahilerang NPC na papunta na sa kaniya.
Mayroong kalaban sa likuran, at harapan si Boundless Sea. Pero parang hindi naman yata siya nag-aalala sa mga maaaring mangyari.
Naiintindihan niya ang sitwasyon ni Boundless Sea. Napapalibutan siya ngayon ng mga kalaban.
Pero ang tanong ay aatake ba si Cloud Piercer?
