Hindi naging maganda tingnan ang Myriad Manifestations Umbrella na nasa Broadsword Form, at naging kakaiba rin ang hugis nito, sa punto na ito'y katawa-tawa tingnan.
Pero sa mga panahong papabagsak na ito't dala-dala ang malakas na bugso ng hangin, kahit na si Zhou Zekai ay hindi makatawa.
Hindi umilag si Ye Xiu, at hindi rin siya umatras. Sinalo niya ng harap-harapan ang mga atake, at sa ilalim ng mga balang umuulan sa kaniya'y umatake si Lord Grim gamit ang isang Collapsing Mountain.
Sa husay at galing ni Zhou Zekai ay kaya niyang ipatama ang lahat ng mga bala niya sa katawan ni Lord Grim. Pero ano naman ngayon? Hindi pa rin naman niya mapipigilan ang pagbagsak ng Collapsing Mountain.
