Ang aninong nabuo dahil sa higanteng Death Knight ay talaga namang tinakpan ng lubusan ang katawan ni Dark Thunder. Itinaas ng Death Knight ang dambuhala niyang armas, at inihampas ito kay Dark Thunder.
Walang nagawa si Lin Jingyan kundi ang umilag. Hindi naman kasi isang Goblin ang Death Knight, kapag tinamaan siya ng atakeng iyan ay magbabayad siya ng danyos, at malamang na matutumba ba siya sa lupa.
Devil World Flower, Goblin, at Death Knight.
Sa totoo lang, ang mga tinawag na halimaw na ito ay hindi pa sapat para maging banta kay Lin Jingyan, pero masyadong mahirap na supilin pa si Little Cold Hands sa ganitong klase ng sitwasyon.
Malamang na mapipigilan pa ni Lin Jingyan ang mga skill ni Little Cold Hands na matagal-tagal na ihanda, pero iyong mga Heal na magagawa niyang magamit sa loob lamang ng isang iglap ay hindi na mapipigilan pa ni Lin Jingyan.
