Hindi lamang si Lonely Drink ang naging biktima. Kahit na hindi sila masyadong nahihibang at ginawa ang ginawa ni Lonely Drink na pagaalok ng walong class-specific sets, pero para tanggihan pa rin ni Lord Grim ang ganoong klase ng alok, ano pang maiaalok nila?
Dahil dito ay hindi na nagkunwari pa ang mga natanggihang Guild Leaders. Inilabas nila ang kanilang galit sa pamamagitan ng pagmumura, at pagsumpa kay Lord Grim at sa kaniyang kasamaan.
Pagkatapos kumalma, nagsimulang mag-isip si Lonely Drink kagaya sa kung ano ang unang naisip ni Blue River kanina: "Ano nga ba talaga ang pakay ng Lord Grim na ito?"
"Ano sa tingin mo? Sa tingin mo ba'y may tinatagong balak 'tong taong 'to sa ngayon?" Sa mga sandaling ito ay dalawang iba pang mga Guild Leaders ang nagdiskusyon, sila'y sina Cold Night at Blue River.
