"Qiao Yifan laban kay Song Qiying. Masasabing laban ito sa pagitan ng mga baguhan hindi ba?" Pagpunto ni Pan Lin habang pinapanood niya si Qiao Yifan na pumasok sa entablado.
"Halos!" Tumango naman si Li Yibo.
Si Qiao Yifan ay hindi na isang hindi kilalang tao. Sa mga panahong kinikilala na nang lahat ang lakas ng Happy ay naging kilala na rin siya bilang isa sa kanilang mga pambihirang manlalaro. Matagal na siyang tinapon. Kaya ang ilan na may otoridad sa Glory Scene kagaya ni Zuo Chenrui na hindi gusto ang Tiny Herb madalas na ginagamit si Qiao Yifan bilang halimbawa para punahin ang Tiny Herb sa kanilang pagalintana sa isang magaling na talento.
Nakakuha ng atensyon ng marami ang paglalaro ni Qiao Yifan. Ang ilan pa nga ay naaawa sa kanya. Ito ang unang beses na pagtungtong niya sa propesyonal na entablado pero dahil dati siyang kasama sa Tiny Herb, hindi siya pwedeng maikunsiderang unang taong baguhan at hindi makakalaban para sa titolo ng Best Rookie.
