"Leo, matatakutin ka lang naman pala!" Seryosong pinagalitan ni Steamed Bun si Huang Shaotian sa Public Chat Channel.
Labis na nagalit si Huang Shaotian.
Wala naman sigurong kahit na sino ang papayag sa isang harap-harapang labanan sa kasagsagan ng isang Team Competition, hindi ba? Dahil diyan ay bakit gustong-gusto nitong taong 'to na labanan ako ng harap-harapan? Talaga nga namang sumusobra na siya!
Downwind Sword Slash!
Ang hagibis ng liwanag ng espada na ito ang naging kinatawan sa kasalukuyang nararamdaman ngayon ni Huang Shaotian. Sa totoo lang ay hindi naman talaga magagalit si Huang Shaotian dahil lamang sa hinahamak siya ng kaniyang kalaban.
Pero nagkataon ngayon na ang taong humahamak sa kaniya ay ang taong kinakailangan nilang tanggalin kaagad sa labanan. Dahil diyan ay magagawa niyang gamitin ang orihinal niyang hangarin bilang pangangatwiran para maisagawa ang mga sarili niyang interes.
