"Hindi maganda ang paglalaro ni Tang Rou..." Matapos ang isang maingat na panonood ay nakapagsalita na sa wakas si Li Yibo.
"Oh?"
"Masyadong nagmamadali siya, hindi na niya kontrolado ang lahat." Sabi ni Li Yibo.
"Kung iyan nga ang totoo ay hindi naman 'yan nakakagulat." Napabuntong hininga si Li Yibo.
Kapag si Tang Rou ang pinag-uusapan. Palagiang lumilitaw bilang isang paksa sa usapan ang katotohanan na palagiang nawawalan si Tang Rou nang kontrol sa kaniyang paglalaro.
Para sa karamihan sa mga baguhan ay isang isyu ito na nangyayari lamang dahil sa kulang ang tiwala nila sa kanilang sarili. Masyadong takot, at maingat sila sa kanilang paglalaro, at dahil diyan ay hindi nila tuluyang nailalabas ang tunay nilang lakas.
