Nasaan na ba si Deception?
Syempre, dahil kitang-kita ng mga manonood ang lahat ng mga nangyayari ay alam nila ang sagot sa katanungang ito. Ang gustong malaman ng mga tagahanga ng Team Blue Rain na nandirito ay kung alam ba ni Song Xiao kung nasaan ngayon si Deception.
Pero parang... hindi naman yata niya alam. Hindi naman kasi nagbago ang bilis, at direksyong tinatahak ni Song Xiao. Nagpatuloy pa rin sa paglalakad si Receding Tides sa loob ng masukal na bahagi ng kagubatan, at palagi siyang lumilingon-lingon para makita ang mga nangyayari sa paligid.
Malinaw na talagang minalas si Song Xiao dahil sa mga panahong lumitaw si Deception ay nakatingin sa ibang direksyon ang kaniyang mga mata.
Pero kahit na ano pa man ang sabihin ay sa pamamagitan ng paulit-ulit na paglingon sa paligid ay mahihirapang maghanap si Mo Fan nang posisyon na kaniyang magagamit para matambangan ang kaniyang kalaban.
