Sa tinatawag nilang paligsahan, dalawang manlalaro na ang tumumba. Lubusan at sagad ang kanilang pagkatalo, na naging dahilan kung bakit bahagyang nawalan ng tiwala sa kanilang sarili ang iba pa nilang kasamahan.
Sinulyapan ni Vice-Captain Deng Fusheng ang kanilang Captain. Walang nagbago sa pagmumukha ni Wang Jiexi, para bang hindi siya apektado sa mga nangyayari. Pero paano nalang ang team? Tiningnan ni Deng Fusheng ang paligid.
Bakas sa mga mukha ng mga miyembro ng team ang kaba at pag-aalinlangan. May ilang palihim na sinusulyapan ang kanilang Captain at may ilang tumahimik na lamang. Alam ni Deng Fusheng na silang lahat ay takot na sila ang piliin ng kanilang Captain para sumunod na humamon kay Lord Grim.
Silang lahat ay hindi kombinsidong matatalo nila si Lord Grim.
