"Hahaha, at may gana ka pa talagang magyabang sa mga kakayahan mo!" Sa mga sandaling ito ay nagsalita si Ye Xiu.
Kaagad na naging masidhi ang galit ni Huang Shaotian. Naalala ni Huang Shaotian na sa mga panahong sinabi niya na mukhang mananalo na sila ay sinabi ni Ye Xiu na hindi niya makita ang mga sinasabi ni Huang Shaotian.
Isa lamang ang maaring ibig sabihin nito. Marahil ay alam na ni Ye Xiu na mangyayari ang lahat ng ito, at sa huli ay hindi inaasahang si Huang Shaotian ay makakagawa ng pagkakamali na naging dahilan kung bakit nabasag ang pakikipagtulungan niya kay Zhou Zekai.
Anong mananalo na tayo? Parang sinasampal ko na rin ang sarili ko nito!
"Tumigil kayong lahat. Oras na para tapusin ko itong personal na hinanakit ko. Labanan mo ako ng harap-harapan!" Biglang napasigaw ng malaaks si Huang Shaotian.
Natulala ang lahat. Tiningnan ng mga manlalaro ang isa't-isa.
