Natalo siya...
Sa huli, hindi nagawang abutin ni Tang Rou ang kaniyang pangako na makakuha ng isang 1 laban sa 3 na tagumpay sa loob ng limang yugto ng mga labanan sa regular season. Hindi magawang makangiti ni Chen Guo, pero sa mga panahong nakabalik na si Tang Rou ay nagawa pa rin niyang makangiti.
Nagawa pa rin niyang makangiti na para bang ang pagkatalong ito ay kagaya ng mga pagkatalong tinamo niya sa mga nakaraang Group Arena. Ang ngiting ito ay isang ngiti na nagsasabi na hindi nila kailangang mag-alala para sa kanila.
Pero kapag hindi sila nag-alala ngayon ay kailan ba sila maaring mag-alala? Lumipas na ang limang yugto ng mga labanan, wala nang natitira pang pagkakataon para kay Tang Rou!
Matapos makita na nagagawa pa ring makangiti ni Tang Rou ay hindi mapigilang sumakit ng dibdib ni Chen Guo. Sa totoo lang ay gustong-gusto talaga niyang lapitan ang kaniyang butihing kaibigan pero hindi niya alam kung ano ang kaniyang sasabihin.
