Si Xiao Shiqin, matapos makita ang inihandang plano ni Ye Xiu para sa kanila ay hindi na mapigilang kabahan tungkol sa kasalukuyan nilang sitwasyon. Matapos makita ang mensahe ni Sun Xiang sa Public Chat ay mas naging masidhi ang kabang nararamdaman niya.
Mabilis ang Cleric na 'yun? Anong ibig sabihin ng mga salitang 'yan? Papaanong magiging mabilis ang isang Cleric?
Dahil mas marami ang mga Orange na kagamitan ng bawat manlalaro ng Happy ay masyadong madali lamang para sa kahit na sino na makita ang kung ano man ang katangian ng kanilang mga karakter.
Hindi naman siguro kailangang mabigla nina Sun Xiang, at Qiu Fei sa Movement Speed ni Little Cold Hands, hindi ba?
Depende na lang kung ang ibang mga kagamitan na ang suot niya sa mga sandaling ito!
Mayroong dalawang hanay ng mga kagamitan si Little Cold Hands?
