Hindi masyadong malaki ang Health na ibinabalik ng Recover sa isang manlalaro. Idagdag pa na hindi rin nito naigagawang maibalik ang Health ng isang manlalaro sa lalong-madaling panahon. Kasama pa diyan ay hindi naman talaga isang Cleric si Lord Grim.
Dahil sa mga kadahilanang ito'y naging masyadong mahina ang Recover na inilapat ni Lord Grim kay Soft Mist. Sa totoo lang ay magagawa pa ngang patayin ng Excellent Era si Soft Mist sa loob lamang ng ilang mga atake kapag nagawa nilang malapitan ang dalaga.
Pero sa kasamaang-palad, parang sinasaksak ang kanilang mga puso sa mga panahong nakikita nilang dahan-dahang bumabalik ang Health ni Soft Mist.
Idagdag pa na maaring sa mga sandaling ito ay makakarating na sa lugar na ito ang Cleric ng Happy, kahit na hindi naman talaga malakas ang Cleric na iyon sa larong ito ay hindi naman sa ibig sabhiin na wala na siyang magagawa para baliktarin ang sitwasyong ito.
