Nagsimulang hindi na mapakali ang mga manonood. Sa wakas ay mayroon na ring pagbabagong nagaganap sa hanay ng Team Happy. Pero hindi sapat ang mga pagbabagong ito para maintindihan ng lahat kung ano nga ba ang kanilang pinaplano.
Nakita ng dalawang kaawa-awang pinuno sa seremonyas ang pagbabagong ito na sina Li Yibo, at Pan Lin. Pero hindi sila nangahas na magsalita, dahil sa takot na baka mahulog na naman sila sa isang patibong at masampal na naman nila ang kanilang mga mukha.
Lalong-lalo na sa mga panahong isinasalaysay nila't sinusubukang mahulaan ang ginagawa ng mga manlalaro ng Happy sa isang labanan. Talagang si Ye Xiu nga ang pinuno ng kanilang grupo, dahil sa nagiging masyadong mahirap hulaan ang kanilang mga intensyon.
