Dragon Tooth!
Wala nang ginawa pang pagpapasikat si Sun Xiang. Ginamit niya ang pinakapangkaraniwang skill ng isang Battle Mage para simulan ang labanan.
Matapos tumalon para mailagan ang Dragon Tooth ay gumamit ng isang Sky Strike si Lord Grim.
Kaagad namang pinakalma ni Sun Xiang ang kaniyang sarili para maharap niya ang atake na ito. Kasi naman, noong kinaharap ni Sun Xiang ang atake na ito kanina ay ginamit ni Ye Xiu ang daang tinatahak ng Sky Strike para makalikha siya ng isang pagkakataon.
Dahil dito, sa mga sandaling ito ay hindi na niya pinaharang pa sa atake ni Ye Xiu ang kaniyang One Autumn Leaf. Imbis na harangan ang atake ay humakbang siya sa tabi ng mga tatlong hakbang, at pinuntahan niya ang gilid ni Lord Grim.
Lumiko ang katawan ni Lord Grim, hinabol ng Sky Strike niya si One Autumn Leaf. Dito ay hinarang na ni One Autumn Leaf ang paparating na Sky Strike.
