Si Lord Grim na mayroong 10% na Health na lamang ang natitira ay malinaw na nakakalamang sa kaniyang kalaban. Hindi na kailangan pa na ituro sa iyo ang katotohanang 'yan. Naging parang isang imortal si Lord Grim sa mga panahong tumama sa 10% ang kaniyang Health.
Sa kabilang dulo naman, naging parang isang bukas na gripo ang katawan ni One Autumn Leaf. Ito ay dahil sa walang-humpay na dumadanak ang dugo mula sa kaniyang katawan. Kahit na siguro ang isang Berserker ay matatakot sa ganitong klase ng sitwasyon.
Sa eksenang ito pa lamang ay malinaw para sa kahit na sino man na tinatalo ng kaniyang kalaban si One Autumn Leaf. Mayroon pa namang kalahati ng kaniyang Health si One Autumn Leaf. Sa dami ng kaniyang Health ay gusto na nga niyang sabihin sa kaniyang kalaban kanina na siya na ang mananalo.
