Naging marami ang mga pagkakamaling nagawa ni Li Yibo noong nagsimula ang labanan. Pero sa mga panahong ito ay tinamaan niya ang punto ng mga nangyayari. Sa upuan ng Happy, matapos makita ang mga nangyayari ay hindi na mapigilang kabahan ni Wei Chen.
"Ano ba talaga ng pinaplano niya?" Sabi ni Wei Chen.
"Anong problema?" Kaagad namang nagtanong si Chen Guo sa kaniya. Siya rin ay kasalukuyang nakakaramdam ng matinding kaba. Sa katunayan lang ay gusto pa nga niyang ipikit ang kaniyang mga mata hanggang sa matapos ang labanang ito nang biglang nagsalita si Wei Chen.
Ang tanging mga nakita lang niya kasagsagan ng labanan ay sabay-sabay na nauubusan ng Health ang dalawang mga manlalarong naglalaban, at parang wala naman yata sa kanilang dalawa ang nakakalamang sa isa't-isa.
Pero dahil sa simula ng labanan ay mas mababa ang Health ni Lord Grim, kapag nagpatuloy ang lahat ng ito'y malamang na siya ang unang tutumba sa kanilang lahat.
