Sinulyapan ni Jun Wu Xie si Lord Meh Meh na nasa kaniyang mga braso. Ang Spirit Beasts at
Spirit bodies may kaniya-kaniyang partikular na pagkakaiba. Ang pusang itim ay nagbibigay ng
pakiramdama sa mga tao na katulad ng sa isang ring spirit, habang si Lord Meh Meh naman,
kahit itago nito ang nangingibabaw na malupit na presensiya nito bilang isang Guardian Grade
Spirit Beast ay halata pa rin ng mga tao na isa itong Spirit Beast.
"Napulot ko siya sa daan." walang bahalang paliwanag ni Jun Wu Xie.
At iyon ay totoo.
May pagtataka pa ring naramdaman si Qing Yu at patuloy niyang sinabi: "Kung gayon, ang
munting nilalang na iyan ay maaaring nakatadhana sa iyo Young Master Jun. Kung huhusgahan
ang laki nito, maaaring ito ay isang low grade Spirit Beast. Ngunit kahit ang low grade Spirit
Beast ay nagtataglay ng antas ng poot at pagtanggi laban sa mga tao at bihirang lumapit sa
mga tao ng kusa. Maaari kayang ang isang ito ay isang napakabatang hayop at hindi pa
marunong mag-ingat?"
Hindi nakatingin si Qing Yu kay Lord Meh Meh ngunit kadalasan ang isang Spirit Beast na nasa
hustong gulang ay maingat at listo laban sa mga tao at tanging ang mga batang Spirit Beasts
ang hahayaan na sila ay tangayin ng walang pasubali at hindi man lang lalaban kahit kaunti.
"Meh."
[Ikaw ang wala pa sa gulang na hayop! Nasa tamang gulang na si Lord Meh Meh! Ikaw na
ignoranteng nilalang!]
"Hindi ako sigurado." padalus-dalos na sagot ni Jun Wu Xie. Si Lord Meh Meh ang kaniyang
huling alas at iyon ang pinakahuling paraan na hahayaan niyang malaman ng iba ang totoong
tapang ni Lord Meh Meh.
May katagalan ring nakasama ni Qing Yu sa kanilang paglalakbay si Jun Xie patungo sa
Thousand Beast City at alam niyang talagang ganoon ang pagkatao ni Jun Xie. Kaya naman,
hindi siya nagdamdam sa maigsi at malamig na sagot ni Jun Xie.
Ang Thousand Beast City ay isang maingay na lugar rin. Bagama't hindi ito maikukumpara sa
Imperial Capital ng Fire Country, gayunpaman iyon ay punong-puno ng tao at ingay.
Ngunit, sa lugar na ito, bukod sa mga kalsadang puno ng mga tao, ay makikita rin kahit saan
ang malaki at maliit na mga Spirit Beasts. Kung hindi karga ng mga tao ay naglalakad ang mga
ito na nakatali, ang kasalukuyang eksena na karga ni Jun Wu Xie si Lord Meh Meh sa kaniyang
mga braso ay isang normal na bagay lamang.
Sa loob ng Thousand Beast City, ang kadalasang makikita ay ang mga lugar kung saan
nagbebenta ng mga munting Spirit Beast.
Ang hustong gulang na Spirit Beasts ay napakahirap paamuin at kung nais ng mga tao na
magpaamo ng isang Spirit Beast, sila ay lalabas upamng mamili ng mga batang Spirit Beast na
kapapanganak pa lamang. Sa magkabilang gilid ng kalsada, maraming sanggol na Spirit Beast
ang nasa kulungan at tinitingnan ng kanilang musmos at ignoranteng mga mata ang mga tao
na naglalakaran paroo't parito. Bago pa mabuo ang kanilang kamalayan at diwa, sila ay nahuli
na at inilagay sa mga kulungan, ipinapakita tulad ng mga kalakal, pinagpatong-patong,
inaantay na sila ay mabili.
Tinitigan ni Jun Wu Xie ang mga munting Spirit Beasts na nakakulong at nagdikit ang kaniyang
mga kilay. Sa nakaraang buhay niya, ay nakakita rin siya ng parehong eksena. Upang
makagawa ng mga eksperimento sa fusion beasts, ang taong iyon ay nanghuli at nagdala ng
maraming uri ng ligaw na hayop. Sa tuwing sasapit ang gabi at tahimik ang paligid, ang iyak at
alulong ng mga ligaw na hayop ang pumapailanlang sa buong kabahayan. Nang mga panahon
na iyon, ang buong kabahayan ay laging laganap ang masangsang na amoy ng dugo bawat
sandali ng buong araw.
Ang tanging nakaaaliw na bagay na malaman dito, sa Thousand Beast City ang pagmamalupit
sa mga Spirit Beasts ay mariing pinagbabawal. At kung nalamang naggkasala, ang salarin ay
malubhang paparusahan.
Ngunit kahit ganunpaman, ang mga kilay ni Jun Wu Xie ay walang malay na nagdikit.
Ang ilan sa mga tao ay tangan ang kanilang mga anak upang mamili sa mga Spirit Beasts na
iyon. Sila magaspang sa mga munting Spirit Beasts at ang walang muwang at ignoranteng mga
sanggol na iyon ay takot na takot at talagang natataranta. Sa kahabaan ng kalsada, ang mga
malalambot at mahihinang iyak ay maririnig kahit saan, ang mga boses nila ay puno ng takot
at kaawa-awa.
"Lahat ng mga munting hayop na ito ay nahuli sa kagubatan na nakapalibot sa Thousand Beast
City, at ang iba ay ipinanganak ng mga Spirit Beasts na napaamo ng mga tao. Ang halaga ng
mga munting hayop na pinanganak sa loob ng siyudad ay mas mataas kumpara sa mga nakuha
sa ligaw, sapagkat mas madalas na sila ay mabait at madaling paamuin, at ang bilang nila ay
kakaunti lamang." napansin ni Qing Yu na ang mga mata ni Jun Xie ay nakatuon sa mga
kulungan at kaniyang naisip na ang bata ay interesado sa mga iyon.