"Tungkol diyan, maaari bang ipagpaliban mo muna iyan kahit ilang sandali lang?! May
kailangan akong sabihin sa iyo!" puno ng balisa ang mukha ni Qu Ling Yue.
Umatras si Jun Wu Xie at sinabi sa kanilang dalawa: "Pumasok tayo upang makapag-usap."
Maaaring mayroon siyang malamig na personalidad ngunit sa mga taong natulungan siya
noon, ay hindi siya maramot sa kaniyang mga salita. Ang makitang balisa si Qu Ling Yue
kaniyang naisip na mayroon itong importanteng sasabhin, at kung kaya iyon ng kaniyang
kapangyarihan, ay hindi siya magdadalwang-isip na tulungan ito.
Nagmamadaling pumasok si Qu Ling Yue at Xiong ba at silang tatlo ay naupo paikot sa lamesa.
Sa ibabaw ng hita ni Jun Wu Xie ay itinaas ng pusang itim ang kaniyang kamay at hinawakan
ang takuri na nasa lamesa habang lumilingon kay Jun Wu Xie.
"Meow."
[Hindi mo man lang ba sila bibigyan ng tubig? Kahit paano ay tinulungan ka nila noon.]
Tungkol sa kaalaman ng Mistress sa tamang pag-uugali sa pagtanggap ng bisita, ang pusang
itim ay laging bigo.
Saglit na natuod si Jun Wu Xie bago niya asiwang kinuha ang takuri at nagbuhos ng tubig sa
mga tasa para kay Qu Ling Yue, Xiong Ba at sa kaniya.
Pasalamat na tumango si Qu Ling Yue ngunit hindi nito inabala na basain ang kaniyang
lalamunan dahil hindi siya makapaghintay pa at mabilis na nagsalita: "Nais kong sabihin sa'yo
na sumama ka sa amin pabalik sa Thousand Beast City. Maari ba?"
Katataas pa lamang ni Jun Wu Xie ng kaniyang tasa upang uminom ng tubig nang marinig niya
ang sinabi ni Qu Ling Yue, at dahil doon ay napahinto siya ng ilang sandali. May pagtatanong
sa kaniyang tingin at hindi niya maunawaan kung bakit bigla siyang iniimbitahan ni Qu Ling
Yue upang sumama sa kaniya sa Thousand Beast City.
Nagkaroon lamang sila ng pagsasama ni Qu Ling Yue dahil sa plano laban sa Emperor ng Fire
Country ngunit kung hindi dahil doon, ay hindi sila magkakaroon ng ugnayan. Bagaman walang
nararamdaman na poot si Jun Wu Xie sa pagitan nila ni Qu Ling Yue, ngunit hindi rin siya
maka-isip ng dahilan para sa imbitasyon ni Qu Ling Yue.
"Bakit?"
Kinagat ni Qu Ling Yue ang kaniyang labi at lumingon siya kay Xiong Ba na nanghingi ng
saklolo.
Malalim na huminga si Xiong Ba at tumingin kay Jun Xie upang sabihin: "Ang aking Young Miss
ay sinabi sa akin lahat ng naganapa sa Imperial Palaca kanina. Inaamin ko na aking minaliit ang
Young Master Jun at hindi naisip na mayroon abot-langit na kakayahan ang Young Master
Jun." sa lahat ng sinabi ni Qu Ling Yue, hindi lubos maisip ni Xiong Ba na sa isang pagtungo
lamang ni Jun Xie sa Imperial Palace, sa ilang oras lamang ay puwersahang napababa ng trono
ang Emperor ng Fire Country!
At kasabay noon, ang Empress, Prime Minister at ang pinapaborang Fourth Prince ay nawasak
rin!
Ang Fire Country ay ang piknakamalaking bansa sa ilalim ng Heavens at kinatatakutan ng
marami! Ang lugar na iyon ay tinitingala ng lahat at ang Imperial Family ng Fire Country ay
napakalakas kumpara sa ibang bansa. Ang sinumang nagbalak na manggulo sa Fire Country ay
iilan lamang, ngunit si Jun Xie ay ginamit lamang ang kaniyang isip upang gumawa ng plano, na
nagtaob sa pinakamalaki at pinakamalakas na bansa. Ang ibang klaseng katalinuhan at
kakayahan ang naging dahilan upang ang isa ay yumuko at magbigay respeto sa kaniya!
Maging sa isang katulad ni Xiong Ba na hindi gaanong matalino, ay nagkaroon ng paghanga sa
plano ni Jun Xie.
"Oh?" walang kompromiso na sumagot si Jun Wu Xie, hindi nagmamadali na sumagot, dahil
nasisiguro niyang may nais pa sabihin si Xiong Ba.
Saglit na huminto si Xiong Ba bago nagpatuloy: "Ang iyong kakayahan Young Master Jun ay
walang kapantay at ako ay nagtungo ngayon dito kasama ang aking Young Miss… upang
sabihin sa Young Master Jun na kung maari ay tulungan ang Thousand Beast City!"
"Anong uri ng tulong?" tanong ni Jun Wu Xie, ang kaniyang kilay ay nakataas. Wala siyang
gaanong nalalaman tungkol sa Thousand Beast City, ngunit dahil sa agam-agam na ipinakita ng
Emperor ng Fire Country laban sa Thousand Beast City, masasabi niya na nagtataglay din ang
Thousand Beast City ng lakas.
Bilang isang Clan Hall Chief ng Thousand Beast City, bakit magtutungo doon si Xiong Ba
kasama ang Young Miss ng Thousand Beast City upang humingi ng tulong mula sa isang bata
na may napakamurang edad?
"Nais naming hingiin ang tulong mo upang maresolba ang krisis na kinakaharap ng Thousand
Beast City!" seryosong sabi ni Xiong Ba.
Nakataas ang kilay na sumagot si Jun Wu Xie at mabagal na sumagot: "Patawad, ngunit hindi
ako interesado."
Kung iyon ay kakailanganin lamang na itaas ang kaniyang isang daliri, hindi siya
magdadalawang-isip na tulungan sila. Ngunit kung pagbabasehan ang tono ng boses ni Xiong
Ba, palagay ni Jun Wu Xie na ang tulong na hinihiling nila ay hindi ganoon lamang ganoon
kaliit!