"Bilang Crown Prince ng Yan Country, naniniwala ako na lahat ng kalahok ay ngayon pa lang
nakarating dito sa Yan Country at nararapat lamang na maging punong-abala ako kaya nais ko
na imbitahan kayong lahat na sumama sa piging na mangyayari bukas at ako ay mag-iimbita
din ng mga dsipulo sa iba't ibang paaralan upang hangaan ang kabilugan ng buwan." Walang
abog na pag-iimbita ni Lei Chen habang sila ay naguusap-usap.
Walang reaksyon si Fan jin tungkol sa bagay na iyon dahil ito ay naging tradisyon na ng Yan
Country. Matapos magtipon-tipon ng mga paaralan ay magsasagawa ng piging ang Yan
Country at iimbitahan ang mga disipulo mula sa iba't ibang paaralan. Itinuring iyon na tila isang
pista upang salubungin ang iba't ibang paaralan, ngunit sa totoo lamang, sa pamamagitan ng
piging na iyon ay magkakaroon ng pagkakataon ang Yan Country na obserbahan ang mga
disipulo upang malaman kung sino ang mas may higit na talento at may malaking potensyal na
maaaring kunin ng Yan Country.
Iyon dapat ay isang magandang balita ngunit…
Lihim na tumingin si Fan Jin kay Jun Wu Xie at sa iba pa. Matapos nila magbalik mula sa
bulwagan ay hindi sila gaanong nag-usap at ang asal na pinapakita nila kay Lei Chen ay
masasabing hindi gaanong masigla.
Kung ang ibang disipulo mula sa ibang paaralan ay magdudumali upang makadikit sa isang
nakakataas na tulad ni Lei Chen, iba ang kila Jun Wu Xie at mga kasama niya…
Nararamdaman ni Fan Jinn a karamihan sa kanila ay walang pakialam sa posisyon ni Lei Chen
bilang Crown Prince.
Tahimik na nagmumuni-muni si Fan Jin kung tatanggapin o hindi ang imbitasyon ng biglang
magsalita si Jun Wu Xie: "Kami ay makakagambala pa sa inyo."
Tumalon sa tuwa ang puso ni Lei Chen at sumagot siya sa sinabi ni Jun Wu Xie na may banayad
na ngiti sa labi: "Hindi, ako ay hihingi ng tawad sa aming mga bisita sa huling pagbibigay ng
mga imbitasyon. Ang munting binatang ito ay mukhang bata pa ngunit nagawa mo ng
makakuha ng puwesto upang lumahok sa Spirit Battle Tournament, kung gayon ay isa kang
talentadong bata. Maaari ko ba malaman ang iyong pangalan?"
Matiim na tumingin si Jun Wu Xie kay Lei Chen bago sumagot: "Jun Xie."
"Ah… Ang munting Jun. Kung hindi ako nagkakamali, ikaw ay wala pa sa edad na labing lima
tama ba? Nakita ang listahan ng mga kalahok mula sa Zephyr Academy para sa Spirit Battle
Tournament at nagulat ako ng mabasa ko ang imprmasyon tungkol sa iyo, hindi ko inaasahan
na mayroong batang kalahok. Ngayon na nakita na kita, masasabi ko na ang Headmaster na si
Fan Jin ay may kakaibang mata upang makakita ng talento." Saad ni Lei Chen, sinubukan niya
kunwari ang maging mabait at pamilyar, ang banayad na tono ng boses niyo ay pinuri pa si Jun
Wu Xie. Wala siyang panahon sa iba pa na mula sa Zephyr Academy at kundi dahil kay Jun Xie,
ay hindi siya mag-aabala na pumunta doon ngayong gabi.
Ngunit nanatiling tahimik si Jun Wu Xie at hindi nagsasalita, ang kaniyang mga mata ay kasing
linaw ng tubig, kung kaya inakala ni Lei Chen na ang bata ay walang muwang sa mundo,
nagtataglay ng kakaibang abilidad at hindi kapani-paniwala na talento ngunit dalisay at payak
ang pag-iisip, ang ganitong uri ng tao ay madaling manipulahin.
Masayang-masaya ang puso ni Lei Chen kaya sinubukan niya na paglipitin ang distansya sa
pagitan nila ni Jun Xie. Malakas ang paniniwala niya na walang makakatanggi sa pagkakaibigan
na dala ng Crown Prince!
Subalit ng marinig ni Jun Xie na tinawag siyang "munting Jun" ng Crown Prince, ay hindi
naiwasan na magtaas siya ng kilay, nagpakita iyon ng pagkadisgusto, at wala siyang pakialam
kahit na Crown Prince pa si Lei Chen.
Bukod pa doon, ang dalawang salita na "Crown Prince" ay isa lamang ang ibig sabihin para kay
Jun Wu Xie… Tanga!
Si Mo Qian Yuan ay isa ring Crown Prince at kung hindi dahil kay Jun Wu Xie ay hindi mapag-
uusapan ang tungkol sa trono dahil hind nito magagawa na ibalik ang sarili niyang buhay.
Maaaring ang akala ni Lei Chen ay praktikal ngunit sa harap ni Jun Wu Xie ito ay mali.
Bilang isang tao na nagtaas ng isang walang silbi na Crown Prince upang maging isang Emperor
sa Eldest Young Miss ng Duke palace, ang titulo ni Lei Chen ay hindi nagpabilib sa kaniya.
Nagawa nga niyang alisin sa trono ang isang Emperor, ano pa kaya ang isang Crown Prince
lang?
Nang tanggapin ang imbitasyon, ay hindi na binigyang pansin pa ni Jun Wu Xie si Lei Chen at
binaba na lamang ang tingin niya upang haplusin ang pusang itim na nasa kaniyang braso.
Nang maramdaman ni Lei Chen na hindi na siya binigyang pansin apkiramdam niya ay sinampal
siya at higit pa roon ay naging palangiti at magiliw siya sa mga ito. Ninais ni Lei Chen na
makipag-usap pa kay Jun Wu Xie upang lumiit ang distansya sa pagitan nila, upang maging
malapit si ni Jun Xie, ngunit ang mga salitang iyon ay nanatili na lamang sa kaniyang
lalamunan!