Tumango naman si Escort Long. Ang kalmado ngunit nakakailang nitong tingin ay naging dahilan para mamangha ang kabataang nakatingin sa kaniya.
Siya ay may gwapong itsura, ngunit ang sinuman na tumingin dito ay nailang sa hindi malamang dahilan.
"Narinig ko ang tungkol sa iyong suhestiyon. Ilang mataas na uri ng Spirit Beasts ang kailangan niyo?" Diretsong tanong ni Escort Long.
Tumalon naman ang puso ni Lu Wei Jie. Kung pagbabasehan ang tono nito, tinanggap ng mga ito ang kanilang suhestiyon. Magsasalita sana siya ngunit natigil iyon nang siya ay tignan ni Ning Xin.
Lumapit si Ning Xin, nagliliwanag ito na parang isang bulaklak at sinabing: "Depende iyon sa kung saan parte ng kagubatan kayo dapat tumungo. Sa totoo lang, mahalagang-mahalaga ang mapa saamin at umaasa kaming, kami ay inyong pagbigyan na hindi namin maipapakita sa inyo ang mapa. Kung saan niyo man kailangang tumungo, sasamahan namin kayo papunta. Tungkol naman sa kabayaran, Depende kung saan ang inyong pakay."
Malamig na tumitig si Escort Long kay Ning Xin. Saglit itong nag-alangan bago sumagot: "Gusto naming tumungo sa Spirit Moon Lake."
Ang mga halamang-gamot na kanilang kailangan ay tumutubo lang malapit sa Spirit Moon Lake.
Ngumiti si Ning Xin.
"Limang mataas na uri ng Spirit Beasts."
Nagsalubong ang kilay ni Escort Long. Masyadong masiba ang babaeng ito. Hinihiling lang niyang gabayan sila sa kanilang patutunguhan at walang hiya-hiya nitong hiningi ang limang mataas na uri ng Spirit Beasts bilang kapalit. Alam niyang ang isang spirit stone ng mataas na uri ng Spirit Beast ay may mataas na presyo.
Makalipas ang ilang segundong pag-iisip, sumagot si Escort Long: "Sige."
Nakangiting tumango naman si Ning Xin at nakipagpalitan ng tingin kay Lu Wei Jie. Muling inayos ni Lu Wei Jie ang kaniyang grupo at inilagay si Ning Xin na gagabay kay Escort Long at sa mga tauhan nito, patungo sa Spirit Moon Lake.
Tahimik namang pinasunod ni Escort Long ang kaniyang mga kasamahan. Narinig ng mga kasama ni Escort Long ang hininging iyon ni Ning Xin, kaya naman bahagyang nainis ang mga ito dito.
"General Long, masyadong ambisyoso ang mga ito. Nanghihingi sila ng limang mataas na uri ng Spirit Beasts para lang sa pagtuturo ng daan. Isa iyong pagnanakaw!" Reklamo ng isa sa mga ito.
Nalukot naman ang mukha ni Escort Long. Kung hindi sa kadahilanang madalang ang halamang-gamot na kanilang hinanhanap, hindi siya papayag doon.
"Hiniling iyon ni Master Mu, higit sa lahat, makakatulong ito sa Rui Lin Army para palakasin ang ating kakayahan. Hindi naman ganoon kahirap na pagbigyan ang mga batang ito." Escort Long...sa totoong buhay, iyon ay si Long Qi na nagpapanggap na guwardiya ng kumboy na iyon.
Hindi katagalan ang nakakalipas, dumating si Mu Chen sa Lin Palace kasama ang grupo ng mga disipulo ng Cloud Treading Peak at ang insidenteng iyon ay lubos na gumulat kay Jun Xian at Jun Qing. Hindi pa ganon katagal nang kanilang marinig ang balitang pinabagsak ang Qing Yun Clan, Kailanman ay hindi nila naisipang darating dito si Mu Chen kasama ang mga disipulo nito sa Lin Palace. Ang mas lalong gumulat sa kanila ay nang kanilang malaman kay Mu Chen na si Jun Xie ang nasa likod ng lahat ng iyon.
Sa buong panahong iyon na sumama si Mu Chen sa Lin Palace, pinamunuan niya ang kaniyang mga disipulo na gumawa ng medisina ng makakatulong sa ugat at arteries ng mga sundalo ng Rui Lin Army. Dahil sa elixir na unang binigay ni Jun Wu Xie sa mga ito, nahirapan lalo si Mu Chen para pag-igihin pa iyon.
Ngunit gusto ni Mu Chen na tuparin ang kaniyang pangako. Dahil nang ako siya kay Jun Xie na gagawin niya ang lahat ng kaniyang makakaya, inabot siya ng ilang buwan sa pagsasaliksik at pagpapaunlad ng kaniyang elixir. Ngunit ang elixir na iyon ay kailangan ng isang pambihirang uri ng halamang-gamot. Kahit na mayroon ang Qing Yun Clan noon at dinala niya iyon lahat sa Lin Palace, hindi iyon sapat para sa bilang ng Rui Lin Army.
Bukod sa Qing Yun Clan, ang halamang-gamot na iyon ay tumutubo lang malapit sa Spirit Moon Lake sa loob ng Battle Spirits Forest. Kaya naman, nagpadala si Mu Chen ng tatlo niyang disipulo para tumungo sa Battle Spirits Forest para hanapin ang halamang-gamot na iyon. Para na rin siguruhin ang seguridad ng kaniyang mga disipulo, pinasama ni Jun Xian si Long Qi at ang anim pang sundalo ng Rui Lin Army para gabayan sila.