Ang tuktok ng Mount Fu Yao ay isang malaking lugar at iyon ay patag, ang lupain ay
napakalawak, ang buong taluktok ng bundok ay parang isang malawak na siyudad. Sa itaas ay
naroon ang nagniningning na iba't ibang tindahan, lahat ng uri ng bahay-panuluyan na may
kainan at nag-aalok ng matitirhan.
Ngunit ang ingay sa Mount Fu Yao ay magtatagal lamang ng ilang araw. Sa oras na matapos
ang Battle of Deities, ang buong Mount Fu Yao ay muling mahihiwalay sa mundo, kung saan
ang pagpasok sa lugar ay ipagkakait sa kahit kanino. Maging sa mga disipulo ng Cloud Brook
Academy na nasa taluktok ng Mount Fu Yao, may mga partikular na araw lamang kada buwan
na sila'y pinapayagan na bumaba sa bundok, habang ang ilang panahon naman, kahit ano pa
man ang dahilan, sinumang mangahas na pumasok sa Mount Fu Yao ay magiging pataba sa
kanilang napakalawak na lupain. Sinumang disipulo na maglakas loob na lumisan ng kusa ay
mailalagay sa listahan ng Cloud Brook Academy.
Bali-balita na ang Cloud Brook Academy ay itinatag ng Nine Temples at Twelve Palaces,
dalawang malalaking kapangyarihan. Ngunit may mga pangyayaring naganap matapos iyon na
interesante. Kahit gaano katindi ang naging paglalaban ng Nine Temples at Twelve Palaces,
wala kahit isa mang tao mula sa dalawang kapangyarihan ang nangahas na galawin ang Cloud
Brook Academy. Kahit na ang Cloud Brook Academy ay nasa talutok ng Mount Fu Yao kung
saan ang lugar kung saan may matinding dami ng spirit power sa hangin nito, walang sinuman
ang naglakas loob na galawin maski bahagya ang lugar na iyon.
Nakahanap si Jun Wu Xie nang isang silid sa tuktok ng Mount Fu Yao upang mamalagi at ayon
sa kaniyang pagtantiya sa mga nagdaang oras, ang Battle of Deities Grand Meet ay
magsisimula matapos ang ilang araw. Pagdating ng araw na iyon, hindi lamang ang
napakaraming kabataang may mga talento sa buong Middle Realm ang magtitipon dito,
maging ang mga tao mula sa Twelve Palaces ay naroon.
Kung sabagay, ang dahilan kung bakit gaganapin ang Battle of Deities Grand meet ay dahil sa
ideya ng Twelve Palaces.
Ngunit…
Bagaman ang tuktok ng Mount Fu Yao ay napakalawak, ang mga lugar kung saan pwede
manirahan ang mga tao ay limitado lamang at iyon ang naging dahilan upang kapusin ang mga
silid para pansamantalang tirahan ng lahat. Nang si Jun Wu Xie ay inalalayan ng isang serbidor
sa kaniyang silid, ang silid na iyon ay may tatlong ibang kabataan na nakaupo na doon. Ang
silid na hindi malaki o maliit ay mayroong apat na higaan at tila masikip.
Ang sulyap ni Jun Wu Xie ay natuon sa mukha ng tatlong kataong naroon at agad siyang naupo
sa kaniyang higaan.
At dahil pare-pareho ang kanilang edad, natural lamang na hindi na nila tanungin ang bawat
isa sa dahilan kung bakit sila naroon sa lugar na iyon.
Bilang magkakalaban na lihim na nagkokompetensiya laban sa isa't, ay wala gaanong pag-giliw
o kagandahang-loob para mag-usap pa.
Matapos maupo ng ilang sandali, ang silid ay puno ng katahimikan. Dalawa sa mga kabataan
ang magkasunod na nilisan ang silid, at sa pagpinid ng pintuan ng silid, tanging si Jun Wu Xie at
isang matangkad at kaakit-akit na binatilyo ang naiwan sa silid.
Naupo si Jun Wu Xie sa kaniyang higaan, tahimik na hinahaplos ang balahibo ng pusang itim.
Ang kabataan na ang higaan ay nasa bintana, ay biglang tumayo, at naglakad palapit kay Jun
Wu Xie.
Sa silid na iyon na ang pintuan ay nakasara, inunat niya ang kaniyang mga kamay at kaniyang…
Binuhat si Jun Wu Xie.
"Hahahaha! Little Xie! Kapalaran siguro ito!!" Saad ng matangkad na lalaki na may
nakakalokong ngiti sa mukha, nagpaikot-ikot sa loob ng silid.
Umirap si Jun Wu Xie habang iniikot at walang magawa, tinapik niya ang tuwang-tuwa na
binatilyo sa ulo.
"Dumb Qiao, ibaba mo ako."
Hindi naisip ni Qiao Chu na matapos niyang mahiwalay sa mga kasama, ay makakatagpo siya
ng isang magandang pagkakataon nang kumuha siya ng matutulugan sa panuluyan na iyon, na
makikita niya si Jun Wu Xie nang ganito! Kailangan ipabatid na sa sandaling makita niya si Jun
Wu XIe kanina, ay halos gusto niyang lumundag sa ere dahilsa sobrang kagalakan.
Mabuti na lamang at tinapunan siya ni Jun WU Xie ng malamig na tingin kaya agad niyang
nabatid ang sitwasyon nila.
Upang magawanilang mapasok ang Twelve Palaces, ang katotohanan na ang ilang "Soul
Purging Nails" ay lubos na magkakakilala ay hindi dapat malantad. Kaya naman, sa harap ng
mga taga-labas, kinakailangan nilang mapanatili na sila'y mga estranghero sapagkat kung
hindi, ay hindi na sana nila kinailangan pa na maghiwa-hiwalay sa pag-akyat sa Mount Fu Yao
sa iba't ibang daan.