Nabaliktad ng giant Spirit Beast ang sitwasyon nang ito ay dumating.
Nanlalaki ang mga mata ng mga sundalo ng Qu Country dahil sa hindi sila makapaniwala sa nangyayari.
Bago pa man sila magkaroon ng dagdag reaksyon, si Jun Wu Xie na nakatayo sa ulo ng Spirit Beat ay tumalon at ipinatama ang purple lightning sa direksyon ng Poison Men army!
Sa oras na iyon, ilan pang purple lightning ang nagsilabasan mula sa likod ng mga sundalo ng Qu Country.
Halos isang kisapmata lang at ang mga Poison Men army ay durog-durog na. Ang kanilang mga dugo ay nagkalat sa lupa. Hindi maproseso ng mga sundalo ng Qu Country ang nangyayari.
Ang Emperor ng Qu Country ay gulat na gulat ding nanonood habang ang mga purple lightning ay patuloy sa pg-atake sa mga Poison Men. Sobrang hindi siya makapaniwala kaya naman nanginig siya sa kaniyang kinatatayuan!
"Kamahalan! Ano 'yan?! Nakakakita ako...ng Purple Spirits." Bulalas ng Commander in Chief. Maging siya ay hindi makapaniwala sa nangyayari.
Biglang napalitan ng ngiti at pagka-sabik ang kaninang gulat na mukha ng Emperor.
"Siya nga! Siya nga!" Sa sobrang kasabikan niya ay nanginig muli ang kaniyang katawan. Dumadagundong din ang tibok ng kaniyang puso.
"Kamahalan, sinong siya? Sino ang tinutukoy mo?" Naguguluhang tanong ng Commander in Chief.
Humarap dito ang Emperor ng Qu Country at sabik na sinabing: "Siya ang Emperor ng Fire Country! Siya iyon! Iyan ang Emperor ng Fire Country! Siya nga! Walang iba kundi siya! Noong mayroong nanghimasok sa Qi Kingdom, siya ang nagpapasunod sa dalawang Guardian Grade Spirit Beast! Iniligtas niya ang Qi Kingdom sa krisis!"
Paanong makakalimutan ng Emperor ng Qu Country ang madugong labanan noon sa Qi Kingdom?
Kahit na hindi niya iyon personal na nasaksihan, kumalat ang balitang tinulungan ng Fire Country ang Qi Kingdom!
Si Jun Wu Xie ang tila tagapagligas na bumaba mula sa kalangitan.
Sa balat ng lupa, ang tanging tao lang na makakapagkontrol sa dalawang Guardian Grade Spirit Beast ay ang taong iyon lang!
"Ang Kamahalan ng Fire Country, pero hindi ba mayroong bali-balita na ang Emperor ng Fire Country ay may mahalagang bagay na gagawin sa malayong lugar kung kaya't wala siya nang magsimula ang panggugulo ng Poison Men?" Maging ang Commander in Chief ay nabigla din sa kaniyang narinig.
Ang taong bigla na lang dumating noon para iligtas ang Qi Kingdom at nagpabagsak sa Condor Country ay ang taong nasa harap nila ngayon?
"Hindi ako maaaring magkamali! Sigurado ako! Maililigtas tayo! Maililigtas ang Qu Country!" Lumuluhang saad ng Emperor ng Qu Country.
"Ipaabot mo ang aking utos na tulungan niyo ang Kamahalan na si Jun Xie! Bilis!" Agad na utos ng Emperor ng Qu Country. Naniniwala siyang mababago ng batang nasa harapan nila ngayon ang kapalaran ng Qu Country. Mukhang iyon ang kagustuhan ng Kalangitan, ang mapadpad dito si Jun Xie para iligtas ang Qu Kingdom!
Sa gitna ng mga naglalaban, ang katawan ni Jun Wu Xie ay naging tila isang kidlat, napakabilis ng kaniyang kilos na maging ang kaniyang anino ay hindi makikita ng mga taong naroon. Ang tanging nakikita lang ng mga sundalo ng Qu Country ay ang nakakabulag na purple light na maliksi ang galaw!
Purple spirit powers. Iyon ang simbolo ng Purple Spirit!
Hindi kailanman sumagi sa kanilang isip na darating ang mga Purple Spirit sa gitna ng krisis na ito!
Sa isang iglap lang, nabuhayan ng pag-asa ang mga sundalo ng Qu Kingdom kaya naman ay ginamit nila ang kanilang kahuli-hulihang lakas para lumaban sa kanilang kaaway!