Para sa mga tao mula sa Middle Realm, ang salitang angkan ng Spirit Soul ay pamilyar sa
kanila. Ang angkan na iyon ay mahiwaga at makapapangyarihan ngunit ang mismong
kapangyarihan na iyon ang nagdala ng kapahamakan sa kanila. Walang nakakaalam kung
kailan iyon nagsimula ngunit malaking bilang mamamayan ng angkan ng Spirit Soul ang
naglaho at sa mga nagdaang siglo, ang angkan ng Spirit Soul ay tuluyang naglaho sa Middle
Realm at wala kahit anong bakas nila ang makikita.
Inisip ng lahat na ang angkan ng Spirit Soul ay nabura.
Ngunit ang alamat ng angkan ng Spirit Soul ay hindi maglalaho.
"Hindi ako maaring magkamali. Ang maskarang iyan, ay isang mahalagang magical artifact ng
angkan ng Spirit Soul at tinatawag na Spirit Shackle Mask." Napalunok na saad ni Rong Ruo.
Saka a lamang siya nagpatuloy natapos ang ilang sandali upang kalmahin ang sarili: "Ayon sa
kuwento, ang mga tao ng angkan ng Spirit Soul ay ipinanganak na may dalawang soul sa isang
katawan kung saan ang isa ay dominante at ang isa ay alalay. Sa dalawang soul, ang
pinakamalakas ang yayabong at magiging pinakamalakas sa bagong silang sa mga angkan ng
Spirit Soul ngunit sa paglipas ng panahon at sa kanilang paglaki, ang pagkakaroon ng dalawang
soul sa isang katawan ang dahilan upang sila'y humina nang humina habang ang dominanteng
soul ay unti-unting aalisin at igugupo ang lakas ng alalay na soul at kapag sila'y nasa hustong
gulang, ang alalay na soul ay tuluyang maglalaho."
Ang pinakamalakas sa angkan ng Spirit Soul ay hindi ang matatanda sa angkan na iyon kundi
ang mga bata na wala pa sa hustong gulang.
Mas bata ang mga iyon, ay mas matatag ang kapangyarihan ng dalawang soul. Ang matinding
kapangyarihan na ibibigay sa kanila sa pagkakaroon ng dawalang soul ay isang bagay na hindi
maikukumpara sa anumang angkan.
Ngunit habang sila'y nagkakaedad, ang likas na kaloob na taglay nila pagkapanganak pa
lamang ay unti-unting manghihina kung saan ang alalay na soul ay tuluyang lalamunin ng
dominanteng soul.
Higit doon, sa pagitan ng dalawang soul sa mamamayan na angkan ng Spirit Soul, ang isa ay
ang Yin at ang isa ay ang Yang, at habang ang katangian ng dominanteng soul ay naiiba, ang
kasarian nila ay magkaiba.
"Spirit Shackle Mask, ano iyon?" Tanong ni Fei Yan, wala masyadong alam tungkol sa angkan
ng Spirit Soul.
Hindi tumugon si Rong Ruo at sa halip ay patuloy lamang nito tinitigan na baka na maskara sa
mukha ni Ye Gu.
"Ang Spirit Shackle Mask ay isang mahalgang magical artifact sa angkan ng Spirit Soul na
ginagamit nila upang mapanatili ang dalawang soul sa kanilang katawan." BIglang narinig ang
boses ni Fan Zhuo. Naglakad ito at tumayo sa tabi ni Rong Ruo at Fei Yan at minasdan si Ye Gu
na nanatiling tahimik lamang.
"Upang mapanatili ng angkan ng Spirit Soul ang kanilang matinding kapangyarihan, ay
kailangan nilang masiguro na ang dawalang soul ay buo at ang Spirit Shackle Mask ang tumpak
na artifact na tutupad sa kanilang kahilingan. Usap-usapan na mula sa simula, bawat napiling
Chief sa angkan ng Spirit Soul ay magsusuot ng Spirit Shackle Mask simula pagkabata. Sa oras
na maisuot ang Spirit Shackle Mask ay hindi na iyon maalis maliban na lang kung ang
nagsusuot ay pumanaw, saka pa lamang ito matatanggal. Matapos maisuot ang Spirit Shackle
Mask, ang dalawang soul ay hindi na maglalaho at mananatiling buo ngunit sa parehong
pagkakataon, ang hitsura at katawan ng may suot nito ay hindi na lalaki kailanman. Ang
katawan nila'y parang ang kanilang dalawang soul, ginapos ng Spirit Shackle Mask, hindi na
magbabago kailanman sa buong buhay nila."
Upang mapanatili ng napiling Chief ng angkan ng Spirit Soul ang matinding kapangyarihan
upang pangalagaan ang kaniyang mamamayan, ay kailangang piliin na isuot ang Spirit Shackle
Mask, isakripisyo ang katawan upang makamtan ang kapangyarihang iyon. Ngunit walang
nakakaalam kung kailan iyon nagsimula, ang Spirit Shackle Mask ay naglaho sa angkan ng
Spirit Soul. Sa paglaho ng Spirit Shackle Mask, ay ang pagbagsak din ng angkan ng Spirit Soul.
Hanggang sa tuluyan silang maglaho sa MIddle Realm.
"Sinabing ang huling Chief ng Spirit Soul na nakasuot ng Spirit Shackle Mask ang nagtatag ng
Soul Return Palace, ngunit dahil sa panloob na alitan sa Soul Return Palace, ang mamamayan
ng angkan ng Spirit Soul ay napaalis doonat ang Chief ay naglaho simula noon. Sabi ng iba na
ito'y pinaslang ng kasalukuyang nakaupo na Palace Lord ng Soul Return Palace at sabi rin ng
iba na pinamunuan nito ang mamamayan ng angkan ng Spirit Soul upang bukod na mamuhay
sa kagubatan at tumakas sa pag-uusig…" Saad ni Fan Zhuo at saglit na nag-alinlangan. Niligon
niya si Ye Gu ng ilang sandali bago nagpatuloy na magsalita.
"Ngunit hindi dapat paniwalaan ang mga usap-usapan at walang nakakaalam sa nangyari ng
mga panahon na iyon. Kung hindi ako nagkakamali sa aking hinala, ikaw ang Chief ng angkan
ng Spirit Soul na nagtatag noon ng Soul Return Palace, tama ba?"