Maya-maya ay ipinikit ni Jun Wu Xie ang kaniyang mata at tila nakatulog ito.
Sa sumunod na sandali, ang pusang itim ay tumayo mula sa kandungan ni Jun Wu Xie
bahagyang ikinilos ang katawan at naglakad na patungo sa pintuang bato.
Nanlalaki ang mata na nakatitig si Poppy at Drunk Lotus, matindi ang gulat sa pusang itim na
ang kilos ay lubusang nagbago. Hindi magawang masiguro iyon, ngunit bigla nilang
naramdaman na ang kanilang Mistress ay naging ang pusang itim na pakiramdam lagi ay
nararapat lamang itong magwala!
"Bantayan ninyo akong mabuti." Pinihit ng pusang itim ang kaniyang ulo at nagbili kay Drunk
Lotus at Poppy.
Ang boses at tono na iyon, kaparehong-kapareho kay Jun Wu Xie!
Sa ilang sandali, ang dalawang ring spirit ay natigagal at walang silang magawa kundi ang
titigan ang malambot at tila walang buto na katawan ng pusang itim na pumasok na munting
puwang sa pintuang bato.
Hindi nagtagal ay ibinaba ni Drunk Lotus ang kaniyang ulo upang masdan si Jun Wu Xie na
nakaupo sa sahig at nakapikit ang mata at napalunok.
Maliit ang anyo ng pusang itim at ang katawan ng mga pusa ay madalas na malambot at
maliksi. Inilipat ni Jun Wu Xie ang kaniyang spirit sa katawan ng pusang itim at hiniram ang
munting anyo na iyon. Pumasok siya sa puwang sa pintunag bato at mula sa pananaw ng
pusang itim, ang puwang sa libingan ng Dark Emperor ay mas naging malawak. Matapos
makalagpas sa pintuang bato, ang mapanglaw na alab ng apoy ay umandap-andap at kumisap-
kisap habang sinisinagan ang katawan ng pusang itim, gumawa ng maliit na anino sa sahig.
Sa loob ng hungkag at malaking bulwagan ay wala maski isang palamuti na makikita kundi ang
isang nakaukit na puting jade na trono na nakalagay sa isang entablado na mayroong hagdan
patungo doon. Ang apat na pader ng malapad at malawak na bulwagan ay nabalot ng mas
buhay na mga mural ngunit ang mga nakaukit doon ay iba sa nasa pasilyo. Ang mga mural ay
puno ng kulay, pinaliwanag ang bawat isang nakaukit at ginawa iyong mas kamangha-mangha.
Ngunit gayunpaman ang kahungkagan ng bulwagan ay tila kakaiba, na naging dahilan kay ang
nag-iisang jade na trono ay naging malungkot.
Tila hindi ito naging pangunahing bulwagan. Naningkit ang mata ni Jun Wu Xie habang ang
maliksing naglakad sa loog ng nalawak na bulwagan. Sa di-kalayuan, ay nakita niya ang dulo ng
bulwagan kung saan mayroong na namang isang malaking pintuang bato na bahagyang
nakabukas at ninais na lumundag upang sumilip.
Ngunit eksaktong kararating pa lamang niya sa harapan ng pintuang bato, isang malaking
anino ang biglang lumapit sa likod nito!
"Eeh?" isang nagtatanong na boses ang umalingawngaw. Isang munting anyo ang nagbukas ng
napakabigat na pintuan at naglakad papasok.
Isang malinaw at malutong na kalansing ang kasabay ng anyo ng ito'y magpakita,
umalingawngaw iyon sa hungkag na bulwagan.
Itinago ni Jun Wu Xie ang kaniyang sarili sa likod ng malapad na jade na trono, ang
balingkinitan nitong katawan ay nkadiin sa lupa, maingat na minamasdan ang anyo na biglang
nagpakita sa bulwagan mula sa isang bitak sa ilalim ng trono.
Isa iyong munting batang babae na mukhang nasa labindalawang taong gulang at nakasuot ng
itim na damit ang dalawang munting mga paa ay nakayapak habang naglalakad sa malamig na
sahig. Nakapalibot sa sakong nito ang pulseras sa bukung-bukong na may kalakip na batingaw
na malinaw at masayang kumakalansing sa bawat hakbang nito.
Ang pinagtatakhan ni Jun Wu Xie tungkol sa batang babae ay nakasuot ito ng isang itim na
maskara na tinatakpan ang kalahati ng mukha nito. Ang kalahati ng mukha nito na nakahantad
ay hindi masasabing napakaganda maipapalagay na iyon ay kaakit-akit.
Para sa isang batang babae na biglang nagpakita sa libingan ng Dark Emperor, tila iyon ay
nakakpagtaka.
"Nakakapagtaka, tila may nakita ako dito?" Ang batang babae na nakasuot ng bakal na
maskara na tinatakpan ang kalahati ng kaniyang mukha ay nagtatakang nagtanong habang
minamasdan ang paligid sa hungkag na bulwagan. Sigurado siyang mayroon siyang nakita na
anino na dumaan sa kaniyang harapan kaya nasaan na ito ngayon?
"Little Squeak, ikaw ba iyan?" Tawag niya upang malaman kung makakakuha siya ng tugon.
"Squeak!" At isang bilog na anino ang nagtatakbo sa sahig papunta sa kaniya!