Ngunit nang tumakbo ang Hell Rodent, ay hindi agad ito umalis, sa halip ay nanatili muna ito
sa isang puwesto na iniisip niya'y ligtas. Bigla itong huminto at ang bilog na katawan nito ay
tumayo habang nakatitig na mga mata kay Jun Wu Xie at walang nakakaalam kung ano ang
tumatakbo sa isipan nito.
Nang akmang gagalaw si Drunk Lotus upang bugawin ito, ay biglang itinaas ng Hell Rodent ang
kaniyang munting mga kamay at sinalat ang kaniyang bibig at namimintog na pisngi.
Isang munting orb ang lumabas sa bibig nito at hinawakan iyon ng munting mga kamy nito
bago inilapag sa lupa. At muli'y minasdan nito si Jun Wu Xie bago ito tumalikod at tumakbo ng
walang pag-aalinlangan, ang munting katawan nito ay mabilis na naglaho sa ilalim ng
mapanglaw na liwanag ng apoy.
"Para saan iyon?" Bahagyang natigagal si Drunk Lotus sa kilos ng munting nilalang.
Itinaas ni Poppy ang kaniyang baba at tumingin kay Drunk lotus at sinabi: " Hindi mo ba alam
ang tungkol sa pagbabayad ng kabutihan sa isang utang?"
Nang sabihin iyon, ay naglakad si Poppy upang damputin ang orb na nababalot ng laway ng
Hell Rodent at dinala iyon kay Jun Wu Xie.
Ang orb ay kasinglaki ng itlog ng pugo, napakaputi nito, ang pisikal na materyal nito ay tila sa
isang jade. Ang labas ng orb ay mayroong napakagandang mga ukit, tila isang ahas ang
nakapalibot sa orb. Ang ulo ng ahas na nakaukit sa gitnang bahagi ay malinaw at ang lugar
kung nasaan ang mata ng ahas ay mayroong tuldok na berde.
Tinitigan ni Jun Wu Xie ang nakaukit na ahas sa orb at medyo naramdaman niya na ang hitsura
ng ahas ay tila pamilyar.
Bukod sa kulay ng mata, tila katulad ito ng mga Ink Snakes na madalas gamitin ni Jun Wu Yao.
Bukod sa katotohanan na ang isa ay puti at ang isa naman ay itim.
"Ang ganiyang bagay ay nakatago sa bibig ng Hell Rodent? Bakit hindi ko iyon napansin
kanina?" Tanong ni Drunk Lotus, nakaramdam siya ng gulat doon. Hindi gaanong kalakihan
ang orb ngunit para sa isang daga na kasinglaki ng palad, iyon ay malaki. Kung itinago iyon ng
Hell Rodent sa kaniyang bibig, nang hawakan niya ang Hell Rodent kanina ay paniguradong
mapapansin niya iyon.
"Ang Hell Rodents ay mahina sa pag-atake ngunit ang kanilang bibig ay ang pinakamaluwag,
tulad ng Cosmos Sack. Huwag kayong tumingin sa munting hugis ng Hell Rodent. Kung
magtataglay sila ng sapat na kapangyarihan, magagawa nilang lunukin ang isang bundok ng
ginto at pilak. Ang angkan ng Spirit Soul Race ay madalas na ginagamit ang Hell Rodents bilang
kanilang imbakan at hindi na nila kailangan pa mangamba sa kanilang mga kagamitan na
maaring nakawin o agawin sapagkat nagagawa nilang lunukin gaano man karaming bagay at
itinatago nila itong mabuti." Saad ni Poppy habang nakatingin kay Drunk Lotus, may isang
kawalang-pag-asa na ekspresyon sa kaniyang mukha na nagsasabing "ikaw ay isang
ignorante."
Dahil sa tingin na iyon mula kay Poppy ay halos nais ni Drunk Lotus na hatakin ang kuwelyo
nito at makipag-away muli dito.
"Ngunit ayon sa mga nangyari, tila hindi ito naging masama. Ang Hell Rodent ay tila walang
masamang layunin sa Mistress at hindi inaasahan na magrereklamo ito sa kaniyang Master."
Maya-maya ay saad ni Poppy na nakangiti.
Kinuha ni Jun Wu Xie ang orb na may nakaukit na ahas sa kaniyang kamay at dinala iyon sa
kaniyang harapan upang pag-aralan itong mabuti, at isang kakaibang palagay ang pumasok sa
kaniyang isipan.
Nang minsang matisod si Wen Yu sa libingan ng Dark Emperor noon, hindi kaya ang nangyari
sa kaniya ay pareho nang nagyari sa kaniya kung saan nahulog ito ay mayroong bitag na nasa
ilalim at nang ito'y mahulog at napindot ang suwits ay bigla itong nahulog sa libingan ng Dark
Emperor?
At ang Soul Calming Jade ay ibinigay sa kaniya ng Hell Rodent na iyon mismo?
Kung lahat ng ito'y tama, kung gayon nasisiguro ni Jun Wu Xie na ang taong nagdala kay Wen
Yu patungo sa Heaven's End Cliff ay ang Master ng Hell Rodent!
Ang taong iyon ay hindi sinaktan si Wen Yu at sa halip ay dinala ito palabas. Kung
pagbabasehan iyon, ang pag-uugali ng taong iyon ay hindi mabagsik.
Sa ganoong isipin sa kaniyang utak, itinago ni Jun Wu Xie ang orb at nagpatuloy na.
Matapos ang mahaba-habang paglalakad, sa wakas ay nakarating sila sa daan kung saan
nahati ito sa dalawa. Ang isang daan ay patungo sa isang walang katpusang pasilyo na may
mga barakilan at poste na nakatayo sa karaniwang agwat habang ang isa naman ay isang
napakalaking pintuang bato!