Napakatindi ng sulyap ni Jun Wu Xie at nakuha nito ang atensyon ni Qiao Chu at iba pa.
"Little Xie, ano ang iyong tinitignan?" Tanong ni Qiao Chu at napaupo dahil sa pag-uusisa at
napakaraming talulot ng bulaklak ang dumikit sa kaniyang katawan.
"Hindi mo mahuhulaan ang puso ng isang dilag." Bulong ni Fei Yan habang nakasilip sa hindi
kagandahang kuwintas na bulaklak na nasa ulo ni Jun Wu Xie, pagkatapos ay saglit na
nagnakaw ng sulyap kay Rong Ruo bago tahimik na pumitas ng napakaraming bulaklak.
Tahimik siyang naupo at mabilis na humabi.
"Ah, kahit ano tungkol sa puso ng isang dilag, walang mas nakakaalam tungkol doon kundi
ikaw lang, Little Yan…" makahulugang saad ni Qiao Chu, binigyang diin ang huling pantig.
Inirapan ito ni Fei Yan at ipinagpatuloy ang ginagawa.
Wala siyang panahon na mag-aksaya ng oras sa isang tanga!
"Anong nakita mo?" Tanong ni Rong Ruo habang naglakad palapit kay Jun Wu Xie. Sa
pagkakakilala niya kay Jun Wu Xie, ang mga bulaklak na nasa kanilang harapan ay hindi
pupukaw ng matinding interes kay Jun Wu Xie at ito ay normal lamang na kumikilos kanina
kaya ano ang dahilan upang titigang maigi ang anumang nasa harapan nito?
Hindi nagsalita si Jun Wu Xie at sa halip ay inalis ang kuwintas na bulaklak sa kaniyang ulo at
hinawakan iyon, ang sulyap niya ay hindi natitinag.
Malungkot na napayuko si Jun Wu Xie sapagkat naisip niya na hindi iyon nagustuhan ni "L:ittle
Big Brother".
"Tignan mo ito." Biglang itinaas ni Jun Wu Xie ang kaniyang kamay at itinuro ang direksyon
kung saan nakatuon ang kaniyang tingin.
Sa ituktok ng mga bulaklak, ay isang kuwintas na bulaklak ang nakabitin sa ere. Ang kuwintas
na bulaklak na iyon ay hindi gaanong maganda ang pagkakagawa, at may kaluwagan ang
pagkakahabi, kapareho nang hawak ni Jun Wu Xie sa kaniyang kamay.
"Anong nangyayari?!" Gulat na saad ni Rong Ruo, bahagyang natigilan sa eksena sa kaniyang
harapan.
Ang kuwintas na bulaklak na nakabitin sa ere ay kakaiba at kapag ginagalaw ni Jun Wu Xie ang
kuwintas na bulaklak sa kaniyang kamay, ang isang kuwintas na bulaklak sa kabilang dako ay
sabay ding gumagalaw!
"Isa itong salamin na ilusyon!" Bulalas ni Fan Zhuo habang mabilis na tumatayo, mabilis na
nagpunta sa tabi ni Jun Wu Xie sa dalawang malalaking hakbang.
"Salamin na ilusyon?" Nag-uusisang tanong ni Jun Wu Xie.
"Hindi gaanong malinaw sa akin ngunit narinig ko na binanggit ng aking ina ang tungkol doon
doon, kaya lamang ay hindi ko gaanong maalala." Tila may naalala si Fan Zhuo na kung ano
ngunit hindi niya maipaliwanag nang maayos. Mabilis siyang lumingon kay Jun Wu Yao na nasa
isang tabi.
"Big Brother Wu Yao, alam mo ba ang nangyayari dito?"
Tumabi si Jun Wu Yao kay Jun Wu Xie at tinitigan ang kakaibang pangyayari, ngunit may
katanungan sa kaniyang mata at kaniyang kinuha ang kuwintas na bulaklak sa kamay ni Jun
Wu Xie. Sa ilalim ng kinakabahan na sulyap ni Little Jue, biglang hinagis ni Jun Wu Yao ang
kuwintas na bulaklak sa ere.
Matapos maihagis ang kuwintas na bulaklak sa ere, naghiwa-hiwalay iyon at ang mga talulot
ay dahan-dahang kumalat, tila niyebe na nahuhulog sa hangin.
At sa kabilang dako, parehong eksena ang nangyari.
Kaparehong-kapareho!
"Moon Water's Mirror." Ang sulok ng mga labi ni Jun Wu Yao ay napangiti habang nagsasalita,
ibinaba ang tingin upang masdan si Jun Wu Xie.
"Ito ay isang uri ng harang, katulad lamang nang mga nakita natin. Ngunit ito ay mas
masalimuot ayon sa ibang mga harang, nagagawa nito na isalamin ang iba't iabng bagay, at
ang harang na narito, ay mga halaman lamang ang nailalarawan."
Iyon ay eksaktong imahe, ngunit tanging ang kuwintas na bulaklak lamang ang nailalarawan at
hindi si Jun Wu Xie at ang iba pa, tila mayroong puwersa na bumura sa kanila.
Napatalon ang puso ni Jun Wu Xie at mabilis na nagpunta sa harapan.
Sa isangdaang metro, naramdaman niya na para bang may kakaibang uri ng lakas na nagpatigil
sa kaniya sa paglalakad paharap!
Tila mayroong isang hindi makita na pader na naghahadlang sa kaniya upang makadaan.
Dumagundong ang puso ni Jun Wu Xie. Itinaas niya ang kaniyang kamay at inilagay iyon na
walang anyong pader. Sa ilalim ng kaniyang palad, naramdaman niya ang malamig at matigas
na bato!
Ang libingan ng Dark Emperor!