Umiling si Duan Ling Tian at ngumiti habang tinitingnan ang dalawang lalaking naglakad palapit mula sa malayo. "Bakit lumabas kayo kaagad? Hindi pa ako tapos maglaro."
Hindi pa tapos maglaro?
Sa pangunguna ng lalaking mayroong pilat, si Wang Da Hu, ang lahat ng Five Tigers ng Crimson North ay lubos na nasindak nang marinig nila ang sinabi ni Duan Ling Tian, at isang masamang pangitain ang lumitaw sa kanilang mga puso.
Lumingon silang lahat at hinanap ang pinanggagalingan ng tinig. Doon ay nakita nila ang dalawang lalaking nasa katamtamang-edad na lumalapit nang magkasabay.
Sa itaas ng bawat isa sa dalawang lalaking nasa katamtamang edad ay 1,000 siilweta ng ancient mammoth… Sa kabuuan ay 2,000 silweta ng ancient mammoth ang lumabas sa kanila!
"Nascent… ikapitong antas ng Nascent Soul martial artist!" Nanliit ang mga mata ni Wang Da Hu, puno ng takot ang kaniyang mukha, at nagsimulang manginig ang kaniyang tuhod.
