Sa isang liblib at misteryosong lugar sa Dao Martial Saint Land.
Sa kaloob-looban ng mga bundok na pinapalibutan ng mga ulap, isang anyo ang lumipad sa kalangitan mula sa isang higanteng kuweba at nagtungo sa abot-tanaw, dinadaig ang kalangitan.
Habang kumakalat ang mga ulap sa langit, unti-unting lumitaw ang kaniyang anyo.
Ito ay isang hindi katandaang lalaki na malaki ang katawan at nakasuot ng kulay gintong kasuotan. Guwapo ang kaniyang mukha, at kasing puti ng jade ang kaniyang kulay. Ang kaniyang mga mata ay kamangha-mangha ngunit hindi mabagsik, kahanga-hanga ang kaniyang tindig.
"30 taon na simula noong nagcutivate ako nang tago... Kumusta na kaya si Yong'er," biglang bulong sa kaniyang sarili ng lalaki. Isang bihirang makitang ekspresyon ang lumitaw sa kaniyang kagalang-galang na mukha. Para bang ang salitang 'Yong'er' ay mayroong taglay na salamangka.
