Kumpara sa ibang maalamat na mga barko ng Pirate Sacred Land, ang ghost ship ay maliit lamang. Ang tanging nakakatuwang bagay dito ay ang bilis nito.
Ang sukat ng mga metal na barko ng kalaban ay napakalaki, at mayroon itong napakalakas na charging force. Bago pa man sila makarating, niyuyugyog na ng mga alon ang ghost ship.
"Maaaring hindi kayanin ng ating barko ang kanilang pagsugod," sambit ng batang Demigod sa isang mababang tono.
Sunod ay kinausap ni Zhao Feng ang skeletal Division Leader, "Pabayaan na ang ibang mga batko at umatake nang malayuan."
Whoosh!
Biglang lumipad sa ere ang ghost ship upang maiwasan ang mga shockwaves mula sa sagupaan ng dalawang Domain-level Kings.
Boom! Boom! Boom!
Ang mga barko sa ibaba ay nagsimula nang magbangaan, at naglaban-laban na ang mga pirata.
"Zhao Feng, umaasa ako sa'yo. Pipigilan ko ang Metallic Turtle King," mensahe ng lalaking mayroong kulay gintong buhok sa itaas habang nakikipaglaban.
"Sige," tumango si Zhao Feng.
Ang dahilan kung bakit naglakas-loob ang lalaking mayroong kulay gintong buhok na labanan ang Metallic Turtle King ay dahil kaagapay niya si Zhao Feng, isang bagong Pirate King, sa kaniyang tabi, at ang Metallic Turtle King ay mukhang walang nalalaman.
Sou!
Napakaliksi ng ghost ship nang bumaba ito mula sa himpapawid at pinakawalan ang Ghost Corpse Cursed Array, na siyang umatake sa Metallic Turtle King mula sa kabilang direksyon. Bumuo ng maraming tentacles ang Ghost Coprse Cursed Array na gawa sa itim na usok nang umatake ito.
"Arghhh!"
Kapag nahawakan ng kahit sinong normal na pirata ang ghost-corpse smoke, magiging isa silang lawa ng dugo, at ang kanilang essence at kaluluwa ay mahihigop ng Ghost Corpse Cursed Array. Sunod ay mas lalakas ang Ghost Corpse Cursed Array kapag nalamon na nito ang dugo at essence ng mga piratang ito.
Matapos makahigop ng malaking bilang ng karne mula sa Ancient Dream Realm, labis na tumaas ang potensyal ng mga ghost-corpses.
"Golden Emperor's Fist!" Ginamit ng batang Demigod ang kaniyang tatlong taong gulang na katawan upang tumira ng isang atake patungo sa ilang mga pirata. Ang mga mas mabababa sa Void God Realm ay walang abilidad na makalaban sa batang Demigod.
"Patain~~~!" Ang skeletal Division Leader ay parang isang reaper of blood and flesh. Walang kahit sinong nakakapigil dito.
Kahit hindi gaanong kalaki ang ghost ship, napakaliksi nito, at takot ang lahat ng mga pirata rito.
Dalawang half-step Kings ang namuno sa grupo ng mga eksperto at sinubukang sumugod sa ghost ship upang patayin ang humahawak ng array, subalit wala sa kanila ang nabuhay. Sa halip, naging pagkain pa sila para sa Ghost Corpse Cursed Array.
Ang sitwasyon sa baba ay nagpabago ng ekspresyon ng Metallic Turtle King, at kumunot ang kaniyang mga kilay. Narinig niya na mayroong isang bagong Pirate King na sumali sa Cold Moon King, subalit ang kaniyang Divine Sense ay walang nakitang ibang Void God Realm King sa mga barko ng kalaban.
"Lightning Wings Wind Flash!"
Isang sinag ng liwanag ang kumislap sa alapaap.
Napakabilis! Nagbago ang ekspresyon ng Metallic Turtle King. Sa isang kurap ng mata, ang may-ari ng mga pakpak ay nagdating.
"Scarlet Destruction Whirlwind!"
Nagpalabas si Zhao Feng ng isang Scarlet Destruction Whirlwind nang sumugod siya sa spatial domain ng Metallic Turtle King, na siyang isang metallic zone ng kadiliman.
Ding! Ding! Peng! Peng!
Ang lahat ng mga atake na nakapasok sa spatial domain ng Metallic Turtle King ay tila ba naharang ng isang higanteng metal na pader.
Boom!
Sa ilalim ng naglalagablab na ipo-ipo, ang anyo ng Metallic Turtle King ay napaatras ng ilang dosenang metro habang lumilipad ang mga baga mula sa kaniyang kalasag.
"Napakalakas na depensa. Gaya ng inaasahan mula sa isang nilalang na nagngangalang Metallic Turtle King," Hindi mapigilang matulala ni Zhao Feng. Ang Scarlet Destruction Whirlwind na ginawa niya ay labis na nakapagpinsala ng ilang mga normal na Kings, subalit wala itong naidulot sa Metallic Turtle King.
"Golden Ring Domain!" Hindi mabilang-bilang na mga gintong singsing ang nagsimulang pumalibot sa lalaking mayroong kulay gintong buhok at bumuo ito ng isang spatial domain. Ang mga gintong singsing na ito ay labis na nakakaakit sa mata habang patuloy itong pumipihit, gumagawa ng mga kislap na lumilipad kung saan-saan habang nakikipagsalpukan ito laban sa domain ng Metallic Turtle King.
Susubukan ko ang aking Illusion Maze Domain, naisip ni Zhao Feng. Ang depensa ng Metallic Turtle King ay napakatatag, kaya't maaari siyang maging isang pampatalim kay Zhao Feng.
Weng~~
Biglang kumilos ang King intent ni Zhao Feng, at isang mala-panaginip at mahamog na ilusyon na syudad ang biglang sumanib sa alapaap. Dahil ito ay isang Soul Dao domain, ang domain ng dalawang Kings ay hindi masiyadong nakaapekto sa Illusion Maze Domain ni Zhao Feng.
"Hmm?" Nanginig ang puso ng Metallic Turtle King, at pakiramdam niya na siya ay nasa isang maze na puno ng usok. Hindi niya magawang makita ang mga atake ng lalaking mayroong kulay gintong buhok o kaya mga atake ni Zhao Feng – hinarang ng Illusion Maze Domain ang lahat ng kaniyang pandama.
"Isa itong rare Soul Dao Domain," ang lalaking mayroong gintong buhok ay bahagyang nasurpresa, subalit hindi niya tinigilan ang kaniyang mga pag-atake.
"Pigilan!" Ang spatial domain ng lalaking may gintong buhok ay nagpakawala ng kumikislap na gintong mga singsing kasabay ng mga arko ng kidlat na kumulong sa Metallic Turtle King. Sa mga normal na sitwasyon kung saan nagsagupaan ang dalawang spatial domains, mahirap para sa kaniya na ikulong ang Metallic Turtle King, subalit ngayon ito ay nagawa niya sa pamamagitan ng tulong ni Zhao Feng.
Shua!
Dali-daling itinabi ni Zhao Feng ang Illusion Maze Domain at bumuo ng isang Scarlet Destruction Blade sa kaniyang kamay, na nagpakawala ng isang naglalagablab na aura nang humiwa ito patungo sa ulo ng Metallic Turtle King.
Boom!
Sumigaw ang Metallic Turtle King dahil mayroong naiwang gasgas sa helmet nito, at ang nakakasunog na epekto ng Scarlet Destruction Wind Lightning ay nagsimulang nagpaguho ng kaniyang katawan. Kasabay nito, pinadaloy ng lalaking mayroong gintong buhok ang mga gintong singsing, na nagsimulang umikot palibot sa Metallic Turtle King na parang matatalim na mga blades.
Biglang dumepensa ang Metallic Turtle King, at ginamit lamang ni Zhao Feng ang kaniyang domain sa isa o dalawang paghinga bago tuluyang itinabi ito.
"Sirain!" Atungal ng Metallic Turtle King nang magpakawala ng hindi mabilang-bilang na mga metal na pader ang kaniyang metallic domain na tumulak sa mga pagpipigil sa kaniya ng lalaking mayroong kulay gintong buhok.
Pumagaspas ang Wings of Wind and Lightning ni Zhao Feng upang maiwasan ang counterattack ng spatial domain. Napaatras ang lalaking mayroong kulay gintong buhok, at hindi niya naintindihan kung bakit hindi ipinagpatuloy ni Zhao Feng ang paggamit niya sa Illusion Maze Domain.
Tahimik na bumuo ng panibagong Scarlet Destruction Whirlwind si Zhao Feng, subalit sa oras na ito, mayroong kaunting hindi namamatay at imortal na God Tribulation Lightning sa gitna nito.
"Alis," pumasok ang ipo-ipo sa mga kahinaan ng Metallic Turtle King matapos niyang gamitin ang kaniyang spatial domain, at tiyak na dumiretso ito papasok. Nagpakawala ng paghinga ang Metallic Turtle King nang makatakas siya sa mga pumipigil sa kaniya, at hindi niya binigyang-pansin ang Scarlet Destruction Whirlwind.
Bam!
Ang Scarlet Destruction Whirlwind ay mayroong naiibang aura kumpara sa kanina.
"Ano-!?" Nagsimulang mabasag ang metallic domain ng Metallic Turtle King, at pinaguho ng aura of Destruction ang kaniyang katawan. Sa pagkakataon na ito, namutla ang mukha ng Metallic Turtle King, at ang kaniyang mga mata ay hindi makapaniwalang tumingin kay Zhao Feng. Lumabas ang dugo sa kaniyang bibig, at napahinto rin ang lalaking mayroong kulay gintong buhok.
Ang atake ni Zhao Feng ngayon-ngayon lang ay labis na nakapagpinsala sa Metallic Turtle King sa pagpasok nito sa kaniyang kahinaan. Ang depensa ng Metallic Turtle King ay kabilang sa mga pinakamatataas sa Eighteen Corners Pirate Kings, at kahit ang isang Domain-level King na nakikipagtulungan sa tatlong normal na Kings ay hindi labis na nakakapinsala sakaniya.
Hindi alam ng lalaking mayroong kulay gintong buhok na ang totoong dahilan kung bakit labis na napinsala ni Zhao Feng ang Metallic Turtle King sa isang tirahan lamang ay hindi dahil nakapasok ang atake sa kaniyang kahinaan, subalit ito ay dahil sa God Tribulation Lightning. Katiting pa lamang nito ay nagdulot na upang tumaas sa panibagong level ang kapangyarihan ni Zhao Feng.
"Hindi na masama," tumango si Zhao Feng. Sinubukan niya ang Illusion Maze Domain at ang kapangyarihan ng God Tribulation Lightning laban sa Metallic Turtle King.
Kung pinagpatuloy niya ang paggamit sa Illusion Maze sa loob ng ilan pang sadali, malamang ay namatay na ang Metallic Turtle King, at ang kapangyarihan ng God Tribulation Lightning ay mas nakakagulat. Kung hindi para sa katotohanang ang forte ng Metallic Turtle King ay depensa, malamang ay napatay na siya ngayon.
"Zhe zhe, Metallic Turtle King, ang ganitong klaseng araw ay nangyayari rin pala sa'yo?" Hindi ito masiyadong inisip ng lalaking mayroong kulay gintong buhok. Ginamit niya ang kaniyang spatial domain upang patuloy na atakihin ang Metallic Turtle King. Ginamit din ni Zhao Feng ang kaniyang Wings of Wing and Lightning at nagpakawala ng mga atake patungo sa Metallic Turtle King.
Nagbigay ng utos ang Metallic Turtle King upang umatras. Habang siya ay umaatras, ang Metallic Turtle King ay labis na nag-aalala sa mga atake ni Zhao Feng at nagtuon sa pagdepensa laban sa kaniya, Subalit, matapos ang kaniyang mga pagsubok, hindi ginamit ni Zhao Feng ang kapangyarihan ng God Tribulation Lightning o kaya ang Illusion Maze Domain.
Pa!
Ginamit ni Zhao Feng ang Wings of Wind and Lightning upang malapitang habulin ang Metallic Turtle King.
"Scarlet Destruction Wind Lightning!" Nagpakawala si Zhao Feng ng isang kamao na bumuo ng isang patong ng hangin at kidlat sa ere. Humimig ang kidlat at umatungal ang hangin.
"Ano!? Gumawa siya ng balangkas ng ikalawang domain?" Parehas na nagulat ang lalaking mayroong kulay gintong buhok at ang Metallic Turtle King. Mayroon ng isang perpektong Dao Soul Domain si Zhao Feng, at ngayon naman ang kaniyang mga atake ay naglalaman ng balangkas ng isang Wind Lightning Domain?"
Ang Wind Lightning Domain ay isa lamang malabong domain na tanging maaaring makapagpataas ng aking battle-power ng 10%, bulong ni Zhao Feng sa loob-loob niya. Sa kasalukuyan, nais niyang patalimin ang kaniyang Wind Lightning Domain sa pamamagitan ng paggamit dito laban sa Metallic Turtle King.
"Kung pagsasama-samahin ko ang aking mga spatial domains, malamang hindi ako kayang matapatan ng mga normal na Domain-level Kings ," labis na nananabik si Zhao Feng, subalit ngayon, kagagawa pa lamang niya ng mga balangkas ng Wind Lightning Domain. Dahil wala pa siyang isang technique upang gawing basehan ng domain, ito ay mas mahirap para sa kaniya, at maaaring kailanganin niya ng ilan pang mga buwan, subalit iyon ay kahanga-hanga na para sa mga normal na Kings.
Kailangang malaman ng isang tao na ang soul, intent, enlightenment, at ang pag-intin sa Space ng normal na Kings ay lahat kasangkapan na maaaring magresulta sa isang kagipitan na magtatagal ng ilang daang taon.
"Takbo!" Mariing sumulyap ang Metallic Turtle King kay Zhao Feng bago ibinigay ang utos. Masasabi niyang ginagamit lamang siya ni Zhao Feng bilang pampahasa.
"Ang Zhao Feng na ito ay nagpipigil pa," kumunot ang mga kilay ng lalaking mayroong gintong buhok, at siya ay bahagyang nadismaya sa pagtutugis. Kung si Zhao Feng ay mas naging seryoso, malamang ay napatay na nila ang Metallic Turtle King.
Nagpatuloy sa paghabol ang dalawa, at napasigaw nila ang Metallic Turtle King. Noong naghahabol sila, sinubukang gamitin ni Zhao Feng ang kaniyang Wind Lightning techniques upang magawa ang kaniyang Wind Lightning Domain sa pamamagitan ng totoong labanan.
Sa pagkakataong iyon, ang labanan sa baba ay nasa isang panig lamang.Pinapaslang ng ghost ship ang lahat ng nasa landas nito at nilalamon ang mga essence ng karamihan sa mga pirata.
"Magaling! Ang ilang mga ghost-corpses ay nakaabot na sa middle-stage Small Origin Core Realm," nagagalak ang skeletal Division Leader habang pinapanood nito ang paglago ng mga ghost-corpses.
Napagdesisyunan na ang labanan, at nagawa ng mabawi ng batang Demigod ang ilan sa kaniyang bloodline power.
Habang tinutugis ng lalaking mayroong kulay gintong buhok at ni Zhao Feng ang Metallic Turtle King:
"Sirs, hindi maganda ang sitwasyon! Nakaharap ng Cold Moon King ang Dark Dragon King at sila ay biglang inatake!" Isang berdeng liwanag ang mabilis na lumipad.
"Dark Dragon King!" Nagbago ang ekspresyon ng lalaking mayroong gintong buhok, at hindi na niya inisip pang habulin ang Metallic Turtle King.
Labis na napinsala ang Metallic Turtle King, at hindi niya magagawang maibalik ang kaniyang buong battle-power sa loob ng maikling oras, kaya't hindi na siya isang malaking banta sa ngayon.
Bahagyang nagsisi si Zhao Feng nang makatakbo ang Metallic Turtle King. Kahit na hindi ginamit ni Zhao Feng ang lahat ng kaniyang lakas, nais niyang marahang pahirapan ang Metallic Turtle King at sunod ay patayin siya gamit ang Sky Locking Bow sa kritikal na pagkakataon.
"Zhao Feng, tutulungan natin ang Cold Moon King. Maaari sanang mas maging seryoso ka sa paparating na labanan," ang boses ng lalaking may gintong buhok ay taimtim at may senyales ng pagmamakaawa.