Ang Void Space Eye Slash ay mas malaki at malawak.
Ang mas nakakatakot na parte sa Void Space Eye Slash ay ang kakayahan nitong biglang magteleport at umatake, kahit na ito ay tumama sa buhay na nilalang.
Ibig sabihin nito ay mahirap iwasan ang atake at kaya nitong iwasan ang halos lahat ng depensa.
"Bata…!"
Ang kalahating katawan sa ibaba ng Guard Twenty-Eight ay tuluyan nang nahiwa, at umungol siya sa galit at gulat.
Ang pagkakaroon ng Death Shadow Body, siya ay maayos pa rin kahit na hiniwa ang kanyang kalahating katawan. Tanging ang kanyang battle-power lamang ay bahagyang nanghina.
"Purple Destruction Eye Flame!"
Handa na si Zhao Feng. Muli siyang umatake.
Whoosh!
Ang umuungol na dose-dosenang yarda ang lapad at half-transparent lilang bolang apoy ang nagpadaloy ng aura ng Destruction.
Matapos umabot sa Origin Core Realm, ang kanyang Fan Fire ay umabot sa mas mataas na lebel, at ngayon ay may kinalaman na ito sa Purple Destruction, naglalaman ng power of Destruction at Wind Lightning.
"Hindi maganda!"
Sinubukang umiwas ng Death Guard.
Sa mga normal na sitwasyon, ang eye-bloodline attack ay sobrang hirap na iwasan, at sa usaping pinsala, ang Purple Destruction Eye Flame ay maaaring makita, kaya nakakaiwas pa rin ang Guard Twenty-Eight.
"Hmph!"
Pang-aasar ang lumitaw sa mukha ni Zhao Feng.
Ang Purple Destruction Eye Flame ay umungol kasabay nang pagtama nito sa kalahating katawan ng Guard Twenty-Eight.
Bam!
Ang kalahating katawan ng Guard Twenty-Eight ay agad na pinqgapoy ng Purple Destruction Eye Flame.
"Ang aking katawan….!"
Umungol ang Guard Twenty-Eight kasabay nang panonood niya sa kanyang kalahating katawan na maging uling.
Kahit na ang Death Shadow Body ay imortal, hindi ito nangangahulugan na literal itong hindi nasisira. Kung wala ang enerhiyang po-protekta at susuporta dito, wala itong magagawa sa Purple Destruction Eyw Flame.
Tignan natin kung gaano ka tatagal na kalahati lamang ang katawan mo.
Malamig na ngumisi si Zhao Feng sa kanyang puso.
Dahil sa Death Guard ay masyadong mabilis, hindi natamaanagad ni Zhao Feng ang puso nito, maaari lamang niyang palakihin ang Void Space Eye Slash upang hatiin ang parte ng katawan.
Ang Purple Destruction Eye Flame ngayon ay nakatutok sa nahating parte dahil hindi masyadong magagalusan ang Death Guard kung ito ang kanyang titirahin.
"Bata, gagawin kitang alikabok!"
Kailan pa napahiya nang ganito ang Guard Twenty-Eight? Ang Scythe of Death ay muling lumapot sa kanyang kamay habang lumipad siya patungo kay Zhao Feng gamit ang kalahating katawan niya.
Sa oras na ito, nagpalit siya ng taktika at ginamit ang Scythe of Death bilang armas sa close combat.
"Dancing Scythe of Death!"
Kabaliwan ang nakita sa mata ng Guard Twenty-Eight habang iwinawagayway niya ang Scythe of Death, at malalamig na ilaw ang nagsimulang bumalot sa kanya.
Boom! Boom! Boom!
Ang mga natitirang dopplegangers sa paligid ni Zhao Feng ay agad na nawasak.
"Tang in*!"
Habang hinaharap ang atake ng Guard Twenty-Eight, naramdaman muli ni Zhao Feng ang agaw-buhay na sitwasyon.
Sa huli, ang kaibahan sa dalawang naglalaban ay malaki pa rin.
Ang Scythe of Death kanina ay 30% na pisikal na atake at 70% na soul attack. Gayunpaman, ang 30% na iyon ay nagalusan pa rin si Zhao Feng, na kaunti pa lamang ang nababawing lakas ngayon dahil doon.
Sa ngayon, ang Scythe of Death ay 30% na soul attack at 70% na pisikal, na naglalayon na wasakin ang katawan ni Zhao Feng.
Maaaring sabihin na ang panganib ngayon ay mas malaki kaysa sa nakaraan
"Eye of Ice Soul!"
Ang kaliwang mata ni Zhao Feng ay nagpadaloy ng nagyeyelong kapangyatihan na nagbigay ng limitasyon sa Guard Twenty-Eight.
Wings of Wind and Lightning!
Ang pares ng kulay lilang Wings of Wind and Lightning ay nagsimulang tumubo sa likod ni Zhao Feng., at ang kanyang pandama sa hangin at kidlat, maging ang kanyang bilis ay tumaas.
Whoosh!
Ang pakpak ni Zhao Feng ay pumagaspas at sumagad ng kanyang bilis.
Ang bilis niya sa mga oras na ito ay umabot sa Sovereign Lords.
"Pumunta ka rito!"
Sa sandaling ito, hindi na mhabol ng Death Guard si Zhao Feng.
Una, wala na ang kanyang mga hita. Ang kanyang battle power at bilis ay bumaba.
Ikalawa, naka pokus sa kanya ang Eye of Ice Soul ni Zhao Feng.
Habang ang Guard Nineteen ay patuloy na ginagamit ang Death Soul Hand upang kalabanin ang tatlong half-step Void God Realm.
Nagpadaloy ng malakas na Void God Realm intents at pinagyelo ang hangin na may saklaw ng kalahating milya ng tatlong half-step Void God Realm. Maging ang mga Sovereign Lords ay nahihirapan na lumapit.
"Ilang segundo na lamang ang itatagal ko. Hindi pa ba tapos si Guard Twenty-Eight?"
Matapos ang lahat, nakikipaglaban siya sa tatlong half-step Void God Realm, at lahat sila ay mula sa sekta na maaring makapasok sa Spiritual Sacred Land.
Sa kabilang banda, ang Guard Twenty-Five ay nahihirapan na rin. Kinakalaban niya ang maraming peak stage Sovereign Lords.
Ang dalawang Death Guards ay napatingin sa isang direksyon, at napatalon sila sa takot matapos itong makita.
Ang lugar kung saan naglalaban si Zhao Feng at Guard Twenty-Eight ay nabalot ng liwanag.
Sobrang sama ng itsura ng Guard Twenty-Eight. Wala na ang kanyang mga hita at nakikipaglaban siya ngayon gamit lamang ang kanyang kalahating katawan.
"Mali ang impormasyon na ating nakuha. Ang ating target ay umabot na sa gitnang yugto ng Small Origin Core Realm, at katakot-takot ng kanyang battle-power…"
Nalaglag ang puso ng dalawang Death Guards.
Noong muling nabuhay ang Guard Thirty-Three, sinabi niya na ang kalaban ay nasa half-step Origin Origin Core Realm, at kahit sinong Death Guards ay kaya siyang patayin.
"Dancing Scythe of Death!"
Ang Scythe of Death sa kamay ng Guard Twenty-Eight ay naging malaking ipo-ipo at tumungo kay Zhao Feng.
Shua!
Ang Wings of Wind and Lightning sa tabi ni Zhao Feng ay pumagaspas. Hindi siya naglakas loob na labanan ang atakeng ito.
Hindi mahirap sa mga nanood na makitang pinapatagal lamang ni Zhao Feng ang oras.
Ang Death Guard ay mayroon na lamang kalahating katawan. Siya ay lubhang sugatan, kaya ang kanyang bilis ay limitado, habang lumilipas ang oras, bumababa ang kanyang battle power.
"Ang bilis at battle power ng Death Guard ay bababa sa kalahati basta ay mapatagal ko ito."
Alam ni Zhao Feng na habang mas tumatagal ito, mas malaki ang tsansa na manalo siya, kaya paanong hindi rin ito malalaman ng Guard Twenty-Eight? Mas malinaw sa kanya ang sitwasyon. Ang Guard Nineteen ay nilalabanan ang tatlong half-step Void God Realm at hindi na rin kayang magtagal pa.
"Mamatay ka na!"
Umungol ang Guard Twenty-Eight, at agad na umikot ang Scythe of Death at tumunho kay Zhao Feng.
Hu~~
Gamit ang Scythe of Death sa gitna, ang ipo-ipo ay tumungo sa kanya.
"Hindi ito maganda!
Muling nakulong si Zhao Feng sa Scythe of Death kagaya noong nakaraan, at hindi siya makaalis. Sobrang bilis ng Scythe of Death.
"Hahaha…!"
Tumawa ang Guard Twenty-Eight, ngunit nagbago ang ekspresyon ng Guard Nineteen at Guard Twenty-Five, "Huwag mong sisirain ang kanyang bangkay!"
Ang Pursuit of Death sa ngayon ay iba sa nakaraan. Ang Emperor of Death ay sinabi na mas magandang mahuli siya nang buhay, at kung iyon ay imposible, huwag wawasakin ang bangkay.
At sa pinaka masamang sitwasyon, dapat ay buo ang ulo.
Matapos ang lahat, ang Emperor of Death ay gustong kuhanin ang "Ninth God's Eye."
Noong malapit nang mawasak si Zhao Feng dahil sa Dancing Scythe of Death:
Ang Water Bloodline ay hindi kayang dumpensa laban dito. Kailangan kong gamitin ang Water Spirit Divine, ngunit...
Gumulo ang mga ideya ni Zhao Feng, ngunit sa huli ay napagdesisyonan niya na huwag gamutin ang Water Spirit Divine Change. Hindi niya rin ginamit ang Watwr Bloodline upang protektahan ng kanyang sarili.
Boom!
Ang katakot-takot na ipo-ipo ay nawasak.
"Ano!?"
Nanigas ang ekspresyon ng Guard Twenty-Eight.
Walang ginawa si Zhao Feng. Ang katakot-takot na ipo-ipo ay nawasak sa sandaling napalapit ito sa kanya.
Ang maliit na eye bloodline power ang bumalot sa lugar.
"Hindi kaya…? Hindi ito maganda!"
Biglang may naalala ang Guard Twenty-Eight, at tumalon ng kanyang puso. Naalala niya ang impormasyon mula sa Guard Thirthy-Three. Ang target ay may kakayahan na ilipat ang isang bagay gamit ang space at direktang ilagay ito sa loob ng katawan ng kalaban.
Iwas!
Namutla ang Guard Twenty-Eight kasabay ng kanyang paglalaho. Alam niya kung gaano kalakas ang Scythe of Death - may kakayahan itong patayin ang mga nasa half-step Void God Realm.
Gayunpaman, hindi dumating ang spatial movement attack.
Lubhang naguluhan ang Guard Twenty-Eight. Naramdaman niya na ang space ay ninanakaw ang Scythe of Death, kung hindi ay hindi maglalaho ang ipo-ipo.
"Tanga. Sa tingin mo ay ililipat ko ang atake sa katulad mo?"
Ngumisi si Zhao Feng. Sa sandaling natapos niya ang kanyang pangungusap.
"Arghh!"
Isang hiyaw ang nagmula sa hangin sa taas ng Goldern Dargin Scaled Ship.
Shu~~~
Ang Scythe of Death ay tumama sa katawan ng Guard Nineteen.
"Guard Twenty-Eight, ang tanga mo~~!"
Ang Guard Nineteen na nilalabanan ang tatlong half-step Void God Realm ay humiyaw kasabay ng pagyeyelo ng kanyang katawan.
Nilipat ni Zhao Feng ang kapangyarihan ng Scythe of Death sa Guard Nineteen, na pinakamalakas sa lahat. Sa normal na sitwasyon, ng Guard Nineteen ay mararamdaman na parating ito, ngunit kasalukuyan niyang nilalabanan ang tatlong half-step Void God Realm. Kahit na maramdaman niya ito, wala siyang oras upang umiwas.
"Magandang pagkakataon!"
Naging masaya ang tatlong half-step Void God Realm, ang kanilang Void God Realm intents ay aumira sa Death Soul Hand.
Wah!
Mas lalong napinsala ang Guard Nineteen. Sumuka siya ng dugo kasabay ng pagkawasak ng kanyang kaluluwa.
"Patayin!"
Ang kaluluwa ng tatlong half-step Void God Realm ay binalik ang kanilang katawan at agad nilang inatake ang Guard Nineteen gamit ang lanilang buong lakas.
"Paano ito nangyari?"
Nagkulay abo ang Guard Nineteen. Tila pumasok siya sa kuweba ng yelo. Hindi niya alam kung maipagpatuloy siya sa pag-atake o susuko na.
Ngumiti si Zhao Feng.
Sa katotohanan, marami sa kanyang eye bloodline ang kanyang ginamit. Ang sukat ng Scythe of Death ay mas malaki sa Void Space Eye Slash, at gamit ang kanyang spatial movement sa isang bagay na ganoon kalaki ay kumuha nang malaking enerhiya sa kanya.
Sa sandaling ito, maaari na lamang gamitin ni Zhao Feng ang Void Space Eye Slash nang isang beses. Mahihirapan siyang patayin ang Guard Twenty-Eight, na mayroong Death Shadow Body.
Mas maganda kung ilagay niya na lamang ito sa isang lalagyan.
"Sumuko na."
Utos ng Guard Nineteen. Siya ay may galos na at kasalukuyang inaatake ng tatlong half-step Void God Realm.
Matapos ang lahat, ang tatlo ay mula sa sekta sa loob ng Spiritual Sacred Land, kaya siguradong may mga espesyal silang teknik. Kung gagamitin nila ito, magkakaroon ng panganib sa buhay ng Guard Nineteen.
"Suko na."
Bumuntong-hininga ang Guard Twenty-Eight. Muli niyang ginamit ang Death Shadow Figures at dumami muli ang kanyang bilang, ang bawat isa ay lubhang nagalusan, at pinalibutan niya ang dalawang Death Guards.
"Habulin sila! Ang lakas ng loob niyo na saktan ang mga disipulo namin? Kahit kayo ay mga tauhan pa ng Emperor of Death, hindi namin kayo pakakawalan."
Umungol si Old Li at nakita sa kanya ang kagustuhang pumatay.