Tinapunan silang lahat ni Xinghe ng isang matalim na tingin habang sumasagot ito ng nakatawa, "Paano kung ayoko?"
Hindi inaasahan ni Ye Qin na tumanggi itong sumunod sa utos niya.
Ang kanyang responde ay magalit.
"Ayaw mo? Wala kang karapatang tumanggi! Hindi ka pinalalamon ng Ye family namin dahil sa kawanggawa; hindi kami masisira ng isang walang kwentang tao!"
Sinadyang banggitin ni Ye Qin ang pisikal na kapansanan ni Xinghe. Ngumisi pa ito habang nakatingin sa pilay na binti nito.
Hinihiya niya si Xinghe, pinupuntirya ang kanyang ikinahihiya.
Hindi naman ito pinansin ni Xinghe, tumango pa nga ito sa pagpapahiya sa kanya. "Tama ka, hindi dapat kayo nag-aalaga ng isang walang kwenta. Huwag kang mag-alala, alam ko ang daan palabas."
Lalong nagalit si Ye Qin ng tumalikod na si Xinghe para lumayas.
Mabilis itong tumakbo para harangan ang daanan ni Xinghe at sabihin ito sa kanya na, "Hayagan mo akong kinokontra, ano? Inuutusan kita na magluto ng tanghalian, hindi mo ba ako narinig?"
"Hindi ka na maliit na batang babae kaya paano ang Young Miss ng Ye family ay sumisigaw na parang palengkera? Nasaan ang kagandahang-asal mo?" Mahinahong paalala sa kanya ni Xinghe.
Umismid si Ye Qin. "Pinangangaralan mo na ako ngayon?"
Pinandilatan niya si Xinghe na parang isang sanggano, na tila isa siyang gangster girl.
"Magsalita ka, pinangangaralan mo ba ako o hindi? Sino ang nagbigay sa iyo ng karapatan na pangaralan ako? Isa ka lamang walang silbi na nabubuhay ng dahil sa awa ng Ye family namin kaya paano ka nagkaroon ng lakas ng loob na sabihan ako ng ganyan?"
"Young Mistress, sumosobra ka na nga talaga." Kumampi si Auntie Ding kay Ye Qin.
Sumosobra na sa lagay na iyon? Wala pa kayong nakikita na ginawa ko.
Ngumiti si Xinghe. "Inuulit ko ang sarili ko, ang walang silbi na ito ay kusa ng aalis para makatipid at hindi na mainis ang iyong Ye family sa pag-aalaga sa akin, kaya hahayaan mo ba akong umalis o hindi?"
"Hindi, magluto ka ng tanghalian! Mula ngayon, ikaw na ang responsable sa lahat ng gawaing bahay o ako mismo ang personal na magpapataw ng kaparusahan sa iyo!" Pananakot ni Ye Qin.
Ang paboritong pampalipas-oras ni Ye Qin ay ang pagmalupitan si Xia Meng kaya paano naman niya hahayaang umalis ang magandang stress-reliever tulad nito?
Napabuntung-hininga sa isip niya si Xinghe habang tinitingnan si Ye Qin.
Mayroong demonyong naninirahan sa kalooban nating lahat, pero karamihan sa mga tao ay natutong itago ito ng husto.
Gayunpaman, sa kaso ni Ye Qin, mayroon itong pagmamay-ari na ibang tao na pupwede niyang abusuhin at pagmalupitan ng walang konsikuwensiya. Kinakailangan ng matinding katangian para hindi hayaang ang demonyo na lumamang sa kahinaan ng ibang tao pero si Ye Qin, sa mga mata ni Xinghe, ay isang walang depensa at marahas na bata.
Naningkit ang mga mata ni Xinghe. "Sige, pero hindi ko alam magluto. Kung gusto mong ipataw ang sinasabi mong parusa, tingnan natin kung magawa mo."
"Ikaw…" halos di na mapigilan ni Ye Qin ang sarili sa galit.
"Sige, ikaw mismo ang humihingi nito!" Tumalikod ito para damputin ang malapit na walis at inundayan si Xinghe ng hampas.
Handa na si Xinghe. Agad niyang sinunggaban ang walis, pinalupot ito paalis sa mga kamay ni Ye Qin at nagawa niyang mahataw ito sa likod ng kamay nito.
Napahiyaw sa sakit si Ye Qin, at halos agad-agad, isang namumulang marka ang namuo sa maputi nitong balat.
"Oh Diyos ko!" Sigaw ni Auntie Ding na akala mo ay nakakakita siya ng patayan, "Xia Meng, paano mong nagawa na atakihin ang Young Miss, nababaliw ka na ba?"
Galit na galit siya at nagulat, kaya naman itinigil nito ang magalang na tono.
Hindi rin inaasahan ni Ye Qin na gaganti si Xia Meng sa pag-atake niya. Nanlaki ang mga mata niya at galit na galit na parang isang nababaliw na b*tch. "Xia Meng, nangahas kang saktan ako?! Ang lakas ng loob mo!"
"Bakit ba ang ingay-ingay diyan sa ibaba?" Maawtoridad na tanong ni Mrs. Ye habang pababa ito ng hagdanan.
"Mom, sinaktan ako ng b*tch na ito," sumbong ni Ye Qin na maluha-luha ang mga mata.
Hinila ni Auntie Ding ang kamay ni Ye Qin para ipakita kay Mrs. Ye. "Madam tingnan ninyo, masyado na talaga si Young Mistress. Hindi dapat nananakit ang isang tao."
Nang makita ni Mrs. Ye ang pasa sa kamay ng pinakamamahal niyang anak, galit na galit ito.
Sobrang galit na pinandilatan niya si Xinghe. "Xia Meng, ang lakas ng loob mong magrebelde sa amin? Auntie Ding, turuan mo siya ng isang masakit na leksiyon, isang leksiyon na hindi niya makakalimutan!"