Farmer's Sweet Spring Water: Leche! Nagtataka ako kung saan na napadpad yung kilala nating Lin Luo Chen ng "Terrifying Dragon" tapos nakita ko ang post na ito! Yung huling tatlong segundo ba yung itsura ngayon ni Luo Chen? Wow! Mas gwapo siya ngayon kaysa noong tatlong taon na lumipas, huh! Hindi siya pumangit.
Terrifying Dragon Floating in the Skies: Siya yung artista na kasabay ni Ling Shao Ze sa limelight noon! Hindi ko ma-gets kung bakit hindi siya sumikat--nakakalungkot naman!
Profesional Troll: Gusto kong malaman kung bakit tatlong segunda lang ang videoclip ni Luo Chen! Nababaliw na ang Appearance-Obsessed Party sa sobrang gutom at uhaw sa kanya! Ang munting mabait na binata ay naging kontrabidang BOSS, hindi ba ang lupit nun?! Halos mabighani ang lahat noong mapanood namin ang final scene ng "Terrifying Dragon" nakakabighani ang eksenang iyon! Kailan nila ilalabas ang pangalawang season? Tatlong taon na ang nakalipas!
Diosmectite: Hindi niyo ba alam guys? Nag-post na ang direktor ng "Terrifying Dragon" sa kanyang Weibo na tunay na magkakaroon nga ng pangalawang season! Kung sino man ang piliin nilang umakto ng ibang roles, si Luo Chen lang ang gaganap ng role ni Lin Luo Chen! Parang huminto ang oras sa kanya dahil ganoon pa rin ang itsura niya, lalo na ngayon-- mas lalong naging kaakit-akit siya!"
Bored Beauty: Ahhh! Nagsimula na silang mag-film ng pangalawang season? Mangyayari talaga ito habang buhay ko?! Wala akong pakialam kung anong gusto ng iba, kay Luo Chen lang ang role ni Lin Luo Chen! Hindi ako tatanggap ng ibang artista para sa role ni Lin Luo Chen!
...
Karamihan ng mga nag-komento ay mga fans ng "Terrifying Dragon," mga taong natutuwang basahin ang tungkol kay Lin Luo Chen at gayundin mga nadaan lang na mga tao, pati na rin ang Appearance-Obsessed Party. Lahat sila ay nag-sama sama para gumawa ng hindi mapipigilang malaking daloy ng pagpapa-sa-publiko kay Luo Chen, nagtutulungan sila para mas lalong sumikat ang post na ito...
Nakalimutan na ni Luo Chen ang huling beses na pinansin siya ng mga tao. Akala niya na panaginip lang ang lahat nang mabigla siya sa mga masasayang komento sa kanya ng mga tao, lalong sumikat ang post niya dahil sa mga taong sumusuporta sa kanya.
Hindi niya binaba ang naiinggit na boses ng katawagan niya, "Malamang nasa headlines ka bukas dahil lalo kang sumikat sa dami ng reposts at atensyon na binibigay sayo ng mga tao. Gusto talagang malaman ng mga tao kung ano nang nangyari sayo. Meron pa, may malaking fan base na si Lin Luo Chen at may botohan na rin para sa magiging mga aktor ng "Terrifying Dragon 2". Ikaw ang pinaka-unang nanalo sa botohan para sa role ni Lin Luo Chen! Oo nga pala, sinong eksperto ang tumulong sayo para sa video na iyon? Ang husay niya…"
Patuloy na nagsalita ng halos kalahating oras ang artistang katawagan niya.
Pagkatapos nun, nag-ring ulit ang phone ni Luo Chen habang nakatulala pa rin siya. Mga tawag ito ng mga tao na nasa industriya na binabati siya o di kaya mga taong nagtatanong para suriin siya.
Tinitigan lang ni Luo Chen ang phone na walang-sawa na nag-ri-ring; hindi niya alam na marami pala siyang "kaibigan" sa industriya...
Kinabukasan.
Sa listahan ng sikat ng topics ng Weibo ay ang post ng panunumbalik ni Luo Chen sa industriya.
Ang una, pangalawa at pangatlong pinakasikat na searched ay "Luo Chen Lin Luo Chen", "Panunumbalik ni Luo Chen" at "Pagpapatuloy ng sequel ng Terrifying Dragon".
Magdamag na namang lumabas ang pangalan ni Luo Chen sa lahat ng tao.
Sampung oras pa lamang ang lumipas noong natanggap niya ang balita tungkol sa post, pero kahit papano, mabilis na sumikat muli si Luo Chen.
"Paano nangyari iyon!?"
Sa opisina ni Zhou Wen Bin, biglang nag-iba ang itsura niya nang marinig niya ang report tungkol kay Luo Chen sa kanyang empleyado.
Noong isang gabi, hindi niya namalayan na nag-black out siya dahil niyaya niya sa inuman ang mga hawak niyang artista at mga sponsors. Nabalitaan niya na lang ang tungkol kay Luo Chen noong kinaumagahan na.
Pinunas ni Zhu Hang yong ang pawis sa kanyang matabang mukha at sinabi, "Hindi… hindi ko rin inasahan na mangyayari ito!"
Tinitigan ni Zhou Wen Bin ang sangkaterbang message online at pinilit niyang pakalmahin ang sarili niya. "Isang hamak na Weibo post na naging viral! Bakit ka nagkakagulo?!"
Misrableng nakasimangot si Zhu Hang Yong. "Pe… pero, opisyal na inanunsyo ni direktor Song sa kanyang post ang paglulunsad ng "Terrifying Dragon 2" at meron ring botohan para sa magiging cast nito. At… sa ngayon, si Luo Chen ang nangunguna para sa role ni Lin Luo Chen…"
"Ano? 'Terrifying Dragon 2'..." lumiit ang mukha ni Zhou Wen Bin dahil sa sobra niyang gulat.
Hindi maiwasang mag-alala ni Zhu Hang Yong. "Sumikat ulit ang mga martial arts films simula noong namatay si Old Mr. Lin Zong dahil sa kanyang malalang sakit. Sinabi rin ni direktor Song na para tuparin ang huling kahilingan ni Lin Zong, gusto niyang mag-film ng 'Terrifying Dragon 2'! Ang swerte ni Ye Bai noh? Pwedeng iyon o 'di kaya, nahulaan niya ang mangyayari sa hinaharap! Paano siya naging magaling sa tamang timing? Tunay nga na nasa tamang oras, nasa tamang lugar at nasa tamang mga tao siya!"