Si Han Xian ang kasalukuyang pinaka-sikat at ang pinaka-kikinabangan na aktor ng Worldwide Entertainment, nakuha niya ang titulong "Asia's Most Popular Prince" galing sa dalaga niyang mga fans.
Nakuha niya ang puso ng mga manonood sa kanyang unang debut, dahil ito sa kanyang cool personality at taglay na kagwapuhan. Nagpatuloy ang maayos na direksyon ng kanyang career hanggang sa siya ay naging sikat. Mas sumikat siya kesa sa pinaka gwapong aktor ng Emperor Sky, si Ling Shao Zhe.
Halos parehas silang dalawa ng edad kaya ang posisyon nila sa trabaho ay malapit rin, kaya matuturing sila na matinding magkalaban.
Sa hindi katagalan, nagkaroon ng malaking produksyon si Han Xiu na ang investment ay milyon-milyon. Sinamahan ito ng Hollywood special effects team at kabilang dito ang lahat ng kilalang megastars. Paniguradong papatok ito kapag ipinalabas na sa mga sinehan at isa na naman itong karangalan sa kanyang career. Sinong mag-aakala na magkakaroon ganitong ng issue habang nasa mahalaga punto siya ng kanyang career.
Lahat ng movie na hawak niya ay paniguradong mapupunta kay Ling Shao Zhe kapag nasira ang career ni Han Xian Yu, gayundin ang kanyang major financial banking--kukunin nila ang oportunidad na hatiin ang pera at iwan siya.
Ngumawa si Jiang Yan Ran, "Ang kalaban na kumpanya ang may pakana nito! Sinisira nila ang pangalan ni Xian Xian!"
Bumulong si Chu Feng, "Kaso may testimonya laban sa kanya ang bata at mga magulang nito…"
Napalingon si Jiang Yan Ran kay Cheng Fu galing sa pagkakayakap niya kay Ye Wan Wan, "Ano naman kung may testimonya laban sa kanya? Hindi kaya nagsisinungaling lamang sila?"
Biglang humina ang boses ni Chu Feng, "Pero nakita nila ang ebidensya na may slipping pills sa katawan ng bata…"
Umaalab na parang apoy ang mga mata ni Jiang Yan Ran, "Wala silang pruweba na asawa ko ang nagbigay ng mga sleeping pills! Asan ang ebidensya? May nakakita ba?"
Tumango si Chu Feng na parang mabilis na hampas ng tambol, "Tama tama tama! Paniguradong peke iyon! Mabait at mapagbigay ang asawa mo, kahit sa mga bata ay mabait siya kaya imposibleng magagawa niya ito!"
Natawa si Ye Wan Wan nang marinig ang dalawa na nagtatalo.
Sa totoo lang, tama ang sinasabi ni Jiang Yan Ran. Ang insidente na ito ay isang maduming patibong.
Pineke ng mga magulang ng babaeng ito ang insidente para makapag demanda at makakuha sila ng maraming pera kapag nanalo sila sa kaso. Binibigyan nila ng droga at tinuturuan nilang magsinungaling ang bata para makasuhan si Han Xian Yu ng indecency at sexual assault.
Sa buhay ni Wan Wan noon, ang pamemeke na mga magulang ay naging malaking kaso laban kay Han Xian Yu. Ngunit, wala silang kongkretong ebidensya kaya hindi nakasuhan si Han Xian Yu sa atraso sa kanya. Kung ipagpapatuloy ng mga magulang ang ganitong kaso, ang kalalabasan nito ay magiging malala. Patuloy na madadala ang ganitong issue sa ng ilang mga taon.
Naging bias ang korte dahil sa pagpilit at sa opinyon ng publiko kaya nagdesisyon ang kumpanya na ayusin niya ito ng labas sa korte.
Lumipas ang ilang taon, ang batang babae ay nakonsensya sa ginawa niya kaya binulgar niya ang katotohanan sa publiko; kaya naging malinis na ang pangalan ni Han Xian Yu.
Ngunit bumagsak ang kanyang career dahil sa iskandalong iyon at ang dating kumikinang na bituin ay naging bulalakaw...
Maayos ang impresyon ni Ye Wan Wan kay Han Xian Yu kahit karibal ito ng nais niyang kumpanya. Bihira sa baguhang sikat na artista ang gwapo at magaling pang umarte-- kahit ang tatay ni Ye Wan Wan ay gusto at pinupuri si Han Xian Yu.
Gusto sana ni Ye Wan Wan na bigyan ng babala si Han Xian Yu sa mga mangyayari sa hinaharap, kaso naisip niyang hindi makatotohanan ito. At dahil nabuhay siya sa future, alam na niyang mangyayari ito; magtutunog baliw lamang siya dahil hindi naman alam ng karamihan ang katotohanan ng iskandalo.
Natakot si Jiang Yan Ran, "Anong gagawin natin? Marami nang naniniwala sa batang iyon at sa magulang niya; kaya raw nagpapa charity ball si Han Xian Yu ay para maimbita ang mga batang babae at momolestyahin niya ang mga ito! Bakit sila nagkekwento ng walang basehan? Masyado silang malupit!"