"Tulad nga ng sinabi mo… Oo nga pala, anong meron kay Han Xian Yu?" May isa pang nagtanong.
Kaninang artista ng Worldwide na nagsalita ay misteryoso ang sinabad, "Imposible na malalaman mo ito! Eh, may tao ako sa loob na alam ang mga impormasyon na ito!"
"Anong impormasyon? Dali! Sabihin mo sa amin!" May isang namilit na marinig ang tsismis.
"Heh, alam niyo ba kung sino ang naglutas ng iskandalo ni Han Xian Yi noon?"
"Sino? Putek… putek na… posible ba na…"
"Tama. Si Ye Bai ang naglutas ng problemang ito!"
"Sigurado ka? Paano mo nalaman?"
"Sinabi ko naman na sayo na galing ito sa tao ko sa loob! Alam ito ng lahat ng senior management ng Worldwide noon. Gusto kasing panatilihin ni Chu Hong Guang ang pride niya kaya hindi niya ito pinagsabi sa iba. Isipin niyo nga ng mabuti, ang laki ng public relations niya pero wala silang nagawa para maresolba ito. Umasa siya sa isang taong hindi niya kilala para maayos ito. Nakakahiya kaya kapag kumalat pa ang balita? Nabalitaan ko na pinahalagahan ni Chu Hong Guang si Ye Bai pagkatapos ng iskandalong ito…"
"Ah, maliwanag na ang lahat ngayon! Kaya pala hindi nagdalawang isip si Han Xian Yu na masaktan ang Worldwide, tinapos niya ang kontrata niya at umalis siya kasama ang kanyang minor manager!"
"Talo na ako! May may kapangyarihan pa si Ye Bai?"
"Gusto kong malaman ngayon kung ano ang nararamdaman ni Chu Hong Guang…"
"Haha! Nakita ko ang mukha niya na kumukulo sa sobrang galit!"
…
Natapos ng matiwasay ang Golden Orchid Awards pagkatapos ng pag-anunsyo ng Best Actress.
Malaking kaibahan ang pangyayari ngayon kaysa kanina na walang may pakialam sa kanila, pinalibutan ang grupo ni Ye Wan Wan ng mga artista at guests na gustong makakuha ng pabor sa kanila.
Nagsalita ng kaunti si Jiang Yan Ran habang kasama niya si Director Peng bago siya umalis kasama si Ye Wan Wan at ang kanyang grupo.
Pagkalabas nila, pinalibutan sila ng napakaramjng reporters at mga nakakabulag na flash ng camera.
Agad nilang naisip ang pangalan ng nakakaakit ng grupo na ito nang makita nila ang mga ito–sila ang Age of Immortals.
Ngayong gabi ang gabi na hindi sila makakapagpahinga. Nag-overtime ang halos lahat ng media outlet.
Sa editorial department ng VIVI:
Malalim ang isip ng editor in chief na si Chai Yong Li, "Nakakatakot ang binata na ito na si Ye Bai. Una pa lang, naisip ko na na siya ay kakaiba talaga…"
Ang photographer na si Xiao Yu Tong ay pinanood ang lalaki na pinalubutan ng media habang nasa live broadcast siya sa telebisyon, at tila parang may naalala siya, "Naalala ko pa rin yung sinabi sa akin ni Director Ye noong nahihirapan na ang VIVI. Ang salitang ito ang matagal na gumabay sa akin…"
"Anong sinabi niya?" Tanong ni Chai Yong Li.
"Sabi niya, 'Kung ang buong mundo ang kalaban mo, magpalakas ka hanggang sa hindi na mapigilan ng mundo ang mga hakbang mo'..."
…
Pagkatapis ng award ceremony, inanunsyo na sa internet ang resulta ng seremonya.
Agad rin na pinost ang mga litrato sa lugar na iyon, sa lahat ng kilalang major media outlets.
"Isa sa Sampung Himala ng Entertainment Industry: Totoo nga na napanalunan ni Gong Xu ang Best Actor!"
"Ang Unang Beses na nangyari sa History ng Golden Orchid Awards: Ang Pagkabuhay ng Dobleng Best Actor!"
"Mainit na Balita! Ang Misteryosong Manager sa Likod ng Bagong Best Actress!"
"Ang Wild Monopolization ng Dobleng Best Actor at Best Actress! Ang Gabi ay napunta sa Age of the Immortals!"
"Ang Nakakaakit na Dakilang Grupo ng Langit!"
Mabilis na kumalat ang mga ganoong headlines sa buong internet.
Napunta rin sa "What's Hot," ang Weibo post kanina ni Luo Chen at maraming mga komento ang makikita sa baba.
[Ahhhh! Masyado akong emosyonal! Pinuri ni Luo Chen si Gong Xu! Masyado silang matamis, guys!]
[Ang ganda ng pagkakaibigan nila Luo Chen at Gong Xu! Mas maganda pa ang relasyon nila kumpara doon sa mga pekeng brotherhoods sa entertainment industry!]